បងប្អូនប្រជាពលរដ្ឋជាសមាជិកគណបក្ស ក្នុងមូលដ្ឋានឃុំលើកដែក នៃស្រុកកោះធំ និងសង្កាត់ឈើខ្មៅ នៃក្រុងសំពៅពូន ក្នុងទឹកដីខេត្តកណ្តាល សរុបប្រមាណ ២០០០នាក់ បានអញ្ជើញមកជួបជុំគ្នាដោយទឹកចិត្តសប្បាយរីករាយ និងប្តេជ្ញាបន្តគាំទ្រគណបក្សប្រជាជនកម្ពុជា ក្នុងពិធីសំណេះសំណាលក្រោមអធិបតីភាព ឯកឧត្តមទេសរដ្ឋមន្ត្រី ស៊ុន ចាន់ថុល ប្រធានគណៈអចិន្ត្រៃយ៍ក្រុមការងារគណបក្សចុះមូលដ្ឋានស្រុកកោះធំ និងក្រុងសំពៅពូន ខេត្តកណ្តាល នាថ្ងៃចន្ទ ទី១៧ ខែកក្កដា ឆ្នាំ២០២៣ ដែលជាថ្ងៃទី១៧ នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។ នៅក្នុងកិច្ចសំណេះសំណាលនេះដែរ ឯកឧត្តមទេសរដ្ឋមន្ត្រី ប្រធានគណៈអចិន្ត្រៃយ៍ក្រុមការងារគណបក្ស បានលើកឡើងអំពីសមិទ្ធផលធំៗជាច្រើន​ ដែលរាជរដ្ឋាភិបាលដឹកនាំដោយគណបក្សប្រជាជនកម្ពុជាសម្រេចបាននិយាយជារួម និងនិយាយដោយឡែក គឺសមិទ្ធផលដែលសម្រេចបានយ៉ាងប្រត្យក្ស នៅក្នុងមូលដ្ឋានស្រុកកោះធំ និងក្រុងសំពៅពូន ដែលបងប្អូនបានទទួលនាពេលបច្ចុប្បន្ន។ លើសពីនេះ ឯកឧត្តមប្រធាន បានលើកឡើងអំពីគម្រោងហេដ្ឋារចនាសម្ព័ន្ធស្ពានថ្នល់ ជាពិសេសគម្រោងផ្លូវជាតិលេខ២៣ តភ្ជាប់ស្រុកកោះធំ ទៅកាន់ស្រុកលើកដែកផងដែរ។ សូមបងប្អូនប្រជាពលរដ្ឋអញ្ជើញទៅបោះឆ្នោតជ្រើសតាំងតំណាងរាស្ត្រនីតិកាលទី៧ នាថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខឱ្យបានគ្រប់ៗគ្នា ដើម្បីបំពេញតួនាទីជាពលរដ្ឋល្អ។ ជ្រើសរើសគណបក្សដែលនាំនូវសុខសន្តិភាព និងការអភិវឌ្ឍពិតប្រាកដជូនប្រទេសជាតិ សូមបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨។ បោះឆ្នោតជូនគណបក្សប្រជាជនកម្ពុជាដើម្បីគាំទ្រ សម្តេចអគ្គមហាសេនាបតីតេជោ ហ៊ុន សែន ជាបេក្ខភាពនាយករដ្ឋមន្រ្តី អាណត្តិទី៧ ដឹកនាំមាតុភូមិកម្ពុជាឱ្យកាន់តែរីកចម្រើន រុងរឿងទៅមុខបន្តទៀត៕