ឯកឧត្តមទេសរដ្ឋមន្ត្រី ស៊ុន ចាន់ថុល អញ្ជើញអមដំណើរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងពិធីបិទប្រកាសផ្សព្វផ្សាយ និងដាក់ឱ្យអនុវត្តជាផ្លូវការកម្មវិធី ជាតិសម្រាប់ការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិ ដំណាក់កាលទី២ (២០២១-២០៣០) រាជធានីភ្នំពេញ៖ ថ្ងៃចន្ទ ៤រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២១ ខែមីនា ឆ្នាំ ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញ អមដំណើរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងពិធី បិទប្រកាសផ្សព្វផ្សាយ និងដាក់ឱ្យអនុវត្តជាផ្លូវការកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិដំណាក់កាលទី២ (២០២១-២០៣០) ដោយមានការអញ្ជើញចូលរួមពីសម្ដេចក្រឡា ហោម ស ខេង ឧបនាយករដ្ឋមន្ត្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យ (គ.ជ.អ.ប) ថ្នាក់ដឹកនាំនៃក្រសួង-ស្ថាប័ននៅថ្នាក់ជាតិ និងថ្នាក់ក្រោមជាតិ ដៃគូអភិវឌ្ឍន៍ និងអង្គការសង្គមស៊ីវិលពាក់ព័ន្ធនានាផងដែរ។ ថ្លែងក្នុងរបាយការណ៍ស្វាគមន៍នាឱកាសនោះ សម្តេចក្រឡាហោមឧបនាយករដ្ឋមន្ត្រី បានគូសបញ្ជាក់ អំពីលទ្ធផលធំៗជាច្រើនគួរឱ្យកត់សម្គាល់ទាក់ទងនឹងការរៀបចំកំណែទម្រង់វិមជ្ឈការ និងវិសហមជ្ឈការ កើតចេញពីការឯកភាពស្រុះស្រួលពីបណ្ដាស្ថាប័នពាក់ព័ន្ធនានា ជាពិសេសក្រោមការដឹកនាំដ៏ឈ្លាសវៃ និងប្រកបដោយបញ្ញាញាណរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលតែងតែផ្ដល់នូវគោលការណ៍ដឹកនាំដើម្បីតម្រង់ទិសកិច្ចដំណើរការកំណែទម្រង់ក្នុងដំណាក់កាល ដែលមានការវិវឌ្ឍន៍ជាបន្តបន្ទាប់ ស្របតាមបរិបទជាក់ស្ដែងរបស់កម្ពុជា។ ជាមួយគ្នានោះផងដែរ ថ្លែងក្នុងមតិសំណេះសំណាលទៅកាន់អង្គពិធី សម្ដេចតេជោនាយករដ្ឋមន្ត្រី បាន បញ្ជាក់ថា៖ រដ្ឋបាលថ្នាក់ក្រោមជាតិគឺជានីតិបុគ្គលនៃនីតិសាធារណៈដែលត្រូវទទួលបាននូវសិទ្ធិអំណាច ការធានាដោយរដ្ឋធម្មនុញ្ញ ច្បាប់ និងលិខិតបទដ្ឋានគតិយុត្តនានា ដើម្បីលើកកម្ពស់គុណភាពជីវភាពរស់ នៅប្រជាជនក្នុងមូលដ្ឋានប្រកបដោយតម្លាភាព សច្ចភាព នីតិរដ្ឋ និងសមធម៌សង្គម តាមរយៈការលើក កម្ពស់គុណភាពនៃការផ្ដល់សេវាសាធារណៈ និងការអភិវឌ្ឍសេដ្ឋកិច្ចមូលដ្ឋានក្នុងការរួមចំណែកអភិវឌ្ឍ សង្គមសេដ្ឋកិច្ចជាតិ។ បន្ថែមពីលើនេះ សម្តេចតេជោនាយករដ្ឋមន្ត្រី បានឱ្យដឹងផងដែរថា៖ កាលពីឆ្នាំ២០២០កន្លងទៅ កម្ពុជា បានអនុវត្តកញ្ចប់កម្មវិធីជាតិរយៈពេល១០ឆ្នាំ ដំណាក់កាលទី១ ឆ្នាំ២០១០-២០២០ ដោយសម្រេចបាន នូវការរៀបចំដាក់ឱ្យដំណើរការរដ្ឋបាលថ្នាក់ក្រោមជាតិស្របតាមគោលការណ៍នៃការអភិវឌ្ឍតាមបែបប្រជា ធិបតេយ្យ ដែលមានក្រុមប្រឹក្សារដ្ឋបាលថ្នាក់ក្រោមជាតិជាស្ថាប័នទទួលខុសត្រូវក្នុងការធ្វើសេចក្តីសម្រេច ចិត្តលើគោលនយោបាយអភិវឌ្ឍមូលដ្ឋានជាមួយនឹងអ្នកដែលត្រូវបានបោះឆ្នោតជ្រើសរើសដោយប្រជាពលរដ្ឋតាមអាណត្តិនីមួយៗរបស់ខ្លួន។ ដើម្បីសម្រេចបានតាមគោលដៅដែលបានគ្រោងទុក និងធានាដល់ការអនុវត្តកម្មវិធីជាតិសម្រាប់ការ អភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដំណាក់កាលទី២ ក្នុងនាមរាជរដ្ឋាភិបាលកម្ពុជា សម្ដេចតេជោនាយករដ្ឋមន្ត្រី បានផ្ដល់អនុសាសន៍មួយចំនួនដូចតទៅ៖ ត្រូវបន្តបែងចែកឱ្យបានច្បាស់ លាស់នូវតួនាទី សិទ្ធិអំណាច និងការទទួលខុសត្រូវក្នុងការផ្ដល់សេវាសាធារណៈដែលត្រូវបានផ្ទេរពី ក្រសួង-ស្ថាប័នថ្នាក់ជាតិទៅថ្នាក់ក្រោមជាតិដើម្បីបន្តលើកកម្ពស់ប្រសិទ្ធភាព និងចីរភាពនៃការគ្រប់គ្រង ការងារកំណែទម្រង់ គ.ជ.អ.ប ត្រូវបន្តពង្រឹងការអនុវត្តតួនាទីរបស់ខ្លួនដោយផ្សារភ្ជាប់ជាមួយកម្មវិធីកែ ទម្រង់សំខាន់ៗដទៃទៀត និងត្រូវដឹកនាំសម្របសម្រួលជាមួយក្រសួងស្ថាប័នពាក់ព័ន្ធ ពិនិត្យ និងកែ សម្រួលច្បាប់ លិខិតបទដ្ឋានគតិយុត្តពាក់ព័ន្ធឱ្យសមស្របទៅនឹងគោលនយោបាយនិងការវិវឌ្ឍន៍នៃការកែទម្រង់វិមជ្ឈការ និងវិសហមជ្ឈការ និងគ.ជ.អ.ប ចាំបាច់ត្រូវសិក្សាជម្រើសសមស្របសម្រាប់រៀបចំ យន្តការស្ថាប័នជាក់លាក់នៅថ្នាក់ក្រោមជាតិដែលជាយន្តការអចិន្ត្រៃយ៍ធានាប្រសិទ្ធភាពនៃការដឹកនាំ ការសម្របសម្រួលតាមដានត្រួតពិនិត្យរបស់រដ្ឋបាលថ្នាក់ក្រោមជាតិស្របតាមច្បាប់ និងលិខិតបទដ្ឋានគតិយុត្តដែលបានកំណត់។ គួរកត់សម្គាល់ផងដែរថា៖ ការវិវឌ្ឍន៍នៃការកែទម្រង់វិមជ្ឈការ និងវិសហវិមជ្ឈការ តាមដំណាក់កាល នីមួយៗ បានជំរុញឱ្យរដ្ឋបាលថ្នាក់ក្រោមជាតិកាន់តែមានលទ្ធភាពក្នុងការពង្រឹងសមត្ថភាពទទួលខុស ត្រូវ និងជំរុញការអភិវឌ្ឍសេដ្ឋកិច្ចតាមមូលដ្ឋាន ការផ្តល់សេវាសាធារណៈ ការដោះស្រាយបញ្ហាប្រឈម នានាបានទាន់ពេលវេលាជូនប្រជាពលរដ្ឋនៅក្នុងដែនសមត្ថកិច្ចប្រកបដោយប្រសិទ្ធភាព៕