ខេត្តស្វាយរៀង : សកម្មភាពផ្សព្វផ្សាយការងារសុវត្ថិភាពចរាចរណ៍ របស់ក្រុមការងារ ស.ស.យ.ក វិស័យសាធារណការ និងដឹកជញ្ជូន នៅថ្ងៃព្រហស្បតិ៍ ១៥កើត ខែ បឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៤ ខែ មិថុនា ឆ្នាំ២០២១ ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈសមាជិកសមាជិកា ស.ស.យ.ក មន្ទីរសាធារណការ និងដឹកជញ្ជូនខេត្តស្វាយរៀង បានចុះចែកខិត្តប័ណ្ណផ្សព្វផ្សាយ សុវត្ថិភាពការធ្វើដំណើរ តាមរថយន្ត ក្នុងរដូវកាលកូវីដ-១៩ នឹងខិត្តប័ណ្ណវិធានការ ៣ ការពារ ៣ កុំ ។ ដើម្បីជាការពញ្ញាក់ស្មារតីដល់អ្នកបើកបរនឹងអ្នករួមដំណើរ អោយមានការប្រុងប្រយ័ត្នខ្ពស់ក្នុងការទប់ស្កាត់ការរីករាលដាលនៃជំងឺកូវីដ-១៩ ព្រមទាំងអនុវត្តអោយបាននូវវិធានការ (៣ ការពារ ៣ កុំ) និងមិនធ្វើដំណើរចេញទៅក្រៅ គឺជាជម្រើសដ៏ល្អ ក្នុងការទប់ស្កាត់ការរីករាលដាលនៃជំងឺកូវីដ-១៩ ដល់បងប្អូនប្រជាពលរដ្ឋ នៅតាមបេនឡានផ្សារវាលយន្ត ស្ថិតក្នុងក្រុងស្វាយរៀង ខេត្តស្វាយរៀង ដោយបានប្រើប្រាស់ខិត្តប័ណ្ណ មានដូចជា៖ - សុវត្ថិភាពការធ្វើដំណើរតាមរថយន្តក្នុងរដូវកាលកូវីដ-១៩ ចំនួន ៤០០ សន្លឹក - ខិត្តប័ណ្ណវិធានការ ៣ ការពារ ៣កុំ ចំនួន៥០ សន្លឹក ។