ខេត្តបាត់ដំបង៖ លោក ព្រួញរិទ្ធថា ត្រូវបាន ប្រកាសតែងតាំង ជាប្រធានមន្ទីរសាធារណការនិងដឹកជញ្ជូនខេត្តថ្មី ជំនួស លោកចាន់ សំបូរ ប្រធានមន្ទីរចាស់ ដែលត្រូវបានផ្លាស់ប្តូរ ទៅបម្រើការងារ នៅក្រសួងសាធារណការ។ ពិធីនេះធ្វើឡើងនាថ្ងៃទី១២ខែកុម្ភ: ឆ្នាំ២០២១ ព្រឹកមិញ នៅសាលាខេត្តបាត់ដំបង អធិបតីភាព លោក ស៊ុយ សាន អនុរដ្ធលេខាធិការ តំណាងលោកស៊ុន ចាន់ ថុល ជារដ្ធមន្ត្រីក្រសួងសាធារណការ និងដឹកជញ្ជូន។ ប្រធានមន្ទីរថ្មី លោក ព្រួញរិទ្ធថា បានឡើងប្តេជ្ញាចិត្តថា ក្នុងនាមលោក ទើបនិងកាន់តំណែងថ្មីនេះ លោកនិងខិតខំប្រែងប្រែង បន្តកិច្ចប្រត្តិបតិការ ដែលក្រសួងដាក់ផែនការ មកឲ្យខាងមន្ទីរ។ លោកខិតខំ ការងារស្ថាបនា ផ្លូវ ថ្នល់ស្ពាននានា ជុំវិញស្រុក ក្រុងមួយចំនួនដែលនៅសល់ កាលគ្រាទឹកជំនន់ រងការខូតខាតជាដើម។ល។ លោក ស៊ុយសាន ក៏បានមានមតិផ្តាំផ្ញើទៅដល់ប្រធានមន្ទីរថ្មី ត្រូវយកចិត្តទុកដាក់ ឲ្យបានល្អប្រសើរ នៅក្នុងអង្គភាពទាំងមូល ពិសេសការងារដែលក្រសួងឬថ្នាក់លើ បានដាក់ឲ្យមកមន្ទីរជាប្រចាំឆ្នាំ និងរួមគ្នាបន្តកិច្ចការជួយសង្គមជាតិយើងទាំងមូល ឲ្យបានល្អប្រសើរជាចាំបាច់បំផុត៕