កិច្ចប្រជុំគណៈកម្មាធិការដឹកនាំ (Steering Committee) លើកទី៦ នៃគម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC) និងលើកទី២ នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ក្រោមឥណទានសម្បទានរបស់ធនាគារពិភពលោក(WB) ទីស្ដីការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍៖ នាថ្ងៃសុក្រ ទី២១ ខែវិច្ឆិកា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង អញ្ជើញជាសហប្រធានដឹកនាំកិច្ចប្រជុំអន្តរក្រសួងជាមួយឯកឧត្តម ស៊ឹម ស៊ីថា រដ្ឋលេខាធិការ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ស្ដីពី “កិច្ចប្រជុំគណៈកម្មាធិការដឹកនាំ (Steering Committee) លើកទី៦ នៃគម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC) និងលើកទី២ នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)” ក្រោមឥណទានសម្បទានរបស់ធនាគារពិភពលោក(World Bank) ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ និងសមាជិកអង្គភាពគ្រប់គ្រងគម្រោងនៃក្រសួងទាំងពីរ តំណាងអភិបាលរាជធានី ខេត្ត និងក្រសួង មន្ទីរ-ស្ថាប័នពាក់ព័ន្ធ ។ កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យវឌ្ឍនភាពការអនុវត្តគម្រោង ក៏ដូចជាធ្វើបច្ចុប្បន្នភាពគោលនយោបាយជាតិស្ដីពីការផ្គត់ផ្គង់ទឹកស្អាត និងអនាម័យ និងការពិភាក្សាអំពីបញ្ហាប្រឈមនានារបស់អង្គភាពគ្រប់គ្រងគម្រោង១ (PMU-1) និងអង្គភាពគ្រប់គ្រងគម្រោង២ (PMU-2) នៃគម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) និងការពិនិត្យវឌ្ឍនភាពនៃការសិក្សាកំណត់តម្លៃសេវាប្រព័ន្ធលូ និងកិច្ចដំណើរការការរៀបចំបញ្ចូលតម្លៃសេវាប្រព័ន្ធលូទៅក្នុងវិក្កយបត្រទឹកស្អាត៕