ឯកឧត្តមអនុរដ្ឋលេខាធិការ ស៊ឹង សុគង់ ប្រធានលេខាធិការដ្ឋានគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការ ក្រសួងសាធារណការ និងដឹកជញ្ជូន អញ្ជើញចូលរួមសិក្ខាសាលាស្តីពីការពង្រឹងលទ្ធិប្រជាធិបតេយ្យសម្រាប់ប្រជាជន៖ បទពិសោធន៍ និងការអនុវត្តនៅប្រទេសចិន” តាមវីដេអូពីចម្ងាយ នាព្រឹកថ្ងៃព្រហស្បតិ៍ ៨ រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងទី២៤ ខែកុម្ភៈ ឆ្នាំ២០២២ ឯកឧត្តម ស៊ឹង សុគង់ អនុរដ្ឋលេខាធិការ និងជាប្រធានលេខាធិការដ្ឋានគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការ ក្រសួងសាធារណការ និងដឹកជញ្ជូន បានអញ្ជើញចូលរួមសិក្ខាសាលាស្តីពី “ការពង្រឹងលទ្ធិប្រជាធិបតេយ្យសម្រាប់ប្រជាជន៖ បទពិសោធន៍ និងការអនុវត្តនៅប្រទេសចិន” តាមរយៈប្រព័ន្ធវីដេអូបញ្ជូនរូបភាព និងសំឡេងពីចម្ងាយ(Zoom) ក្រោមអធិបតីភាពឯកឧត្តម Chen Zhou អនុរដ្ឋមន្រ្តីក្រសួងទំនាក់ទំនងអន្តរជាតិនៃគណៈកម្មាធិការមជ្ឈិមបក្សកុំមុយនិស្តចិន និងឯកឧត្តម ង៉ាន់ ចំរើន រដ្ឋលេខាធិការ ក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប ដោយមានចូលរួមពីតំណាងក្រសួង-ស្ថាប័នចំនួន២៤ រដ្ឋបាលថ្នាក់ក្រោមជាតិ សង្គមស៊ីវិល និងអង្ការCDRI និងCNIE សរុប២៧៩នាក់។ សិក្ខាសាលានេះរៀបចំក្នុងគោលបំណងកសាងទំនុកចិត្ត និងលើកកម្ពស់ការយោគយល់គ្នា និងកិច្ចសហប្រតិបត្តិការក្នុងលទ្ធិប្រជាធិបតេយ្យ រវាងប្រជាជនកម្ពុជា និងប្រជាជនចិន ព្រមទាំងចែករំលែកបទពិសោធន៍ការអនុវត្ត និងការអភិវឌ្ឍន៍ប្រជាធិបតេយ្យនៅប្រទេសចិន។ នៅក្នុងសិក្ខាសាលានេះផងដែរ ភាគីចិន បានផ្តល់អ្នកជំនាញ ដើម្បីធ្វើបទបង្ហាញអំពី៖ ១.បទពិសោធន៍ជាប្រវត្តិសាស្រ្តអំពីដំណើរការទាំងមូលនៃលទ្ធិប្រជាធិបតេយ្យរបស់ប្រជាជន ២. ដំណើរការទាំងមូលនៃការរៀបចំស្ថាប័នលទ្ធិប្រជាធិបតេយ្យរបស់ប្រជាជន ៣. ដំណើរការទាំងមូលនៃការអនុវត្តជាក់លាក់នៃលទ្ធិប្រជាធិបតេយ្យរបស់ប្រជាជន ៤. ដំណើរការទាំងមូលនៃលទ្ធិប្រជាធិបតេយ្យរបស់ប្រជាជនក្នុងការអនុវត្តតាមមូលដ្ឋាន៕