វេទិការអន្តររដ្ឋលើកទី១២ ស្តីពី ការដឹកជញ្ជូន ប្រកបដោយនិរន្តភាព និងបរិស្ថានល្អ នៅទីក្រុងហាណូយ ប្រទេសវៀតណាម --- នៅពីថ្ងៃទី២៨ ដល់ថ្ងៃទី៣១ ខែតុលា ឆ្នាំ២០១៩ ឯកឧត្តម តូច ចាន់កុសល រដ្ឋលេខាធិការ និងជាតំណាងដ៏ខ្ពង់ខ្ពស់ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញចូលរួមវេទិកាអន្តររដ្ឋ លើកទី១២ ស្តីពី ការដឹកជញ្ជូន ប្រកបដោយនិរន្តរភាព និងបរិស្ថានល្អ ដែលសហការរៀបចំដោយ អង្គការសហប្រជាតិ និងក្រសួងដឹកជញ្ជូនវៀតណាម នៅទីក្រុងហាណូយ ប្រទេសវៀតណាម។ កិច្ចពិភាក្សា ផ្តោតសំខាន់ទៅលើវឌ្ឍនភាពនៃការអនុវត្តន៍ សេចក្តីថ្លែងការណ៍រួម ក្រុងបាងកក ២០១០-២០២០ (Bangkok Declaration 2020) និងកំណត់ទិសដៅ សម្រាប់១០ឆ្នាំ ទៅមុខ ២០២០-២០៣០ សម្រាប់ការអភិវឌ្ឍន៍វិស័យដឹកជញ្ជូនក្នុងទីក្រុង ដើម្បីផ្តល់ភាពសុខដុម និងងាយស្រួលក្នុងការបំឡាស់ទី របស់ប្រជាជន។ សូមបញ្ជាក់ថាវេទិកានេះ មានការអញ្ជើញចូលរួមពីរដ្ឋមន្ត្រី អនុរដ្ឋមន្ត្រី នៃក្រសួងដឹកជញ្ជូន, ក្រសួងបរិស្ថាន ព្រមទាំងអភិបាល អភិបាលរងក្រុង ពីបណ្តាប្រទេសអាស៊ី និងប៉ាស៊ីហ្វិក ប្រមាណជាង ២០ប្រទេស។