នៅព្រឹកថ្ងៃទី១៦ ខែកញ្ញា ឆ្នាំ២០១៩ មានការចែករំលែកពេញបណ្តាញាសង្គមនូវករណីដាច់ស្ពានយោល ស្ថិតនៅស្ទឹងក្រញូង ស្រុកសំឡូត ខេត្តបាត់ដំបង។ ដោយគណនីហ្វេសប៊ុកឈ្មោះ Bunleng Khi បានបង្ហោះវីដេអូនូវហេតុការណ៍ទឹកហូរបុកខ្លាំងបណ្តាលឲ្យបាក់ស្ពានយោល ព្រមទាំងសារយ៉ាងដូច្នេះថា៖ “ស្ពានយោល នៅស្ទឹងក្រញូង ស្រុកសំឡូត បានបាក់ដោយសារទឹកជំនន់ធំ នៅថ្ងៃទី១៦ កញ្ញា ២០១៩ ម៉ោង ១០នុិង៤៥នាទី ភូមិតាសាញជើង ឃុំតាសាញ ស្រុកសំឡូត ខេត្តបាត់ដំបងបងប្អូនសូមប្រុងប្រយ័ត្ន គ្រប់ៗគ្នាផង។ សូមជម្រាបថាចាប់ពីថ្ងៃទី១៦ -១៨ ខែកញ្ញា ប្រព័ន្ធសម្ពាធទាប (ITCZ) បន្តអូសបន្លាយលើកម្ពុជា និងចាប់ពីថ្ងៃទី១៨-២២ ខែកញ្ញា នឹងរំកិលឡើងទៅលើកាត់លើភាគខាងជើងកម្ពុជា។ ស្ថានភាពបែបនេះ ធ្វើឲ្យភ្លៀងបន្តធ្លាក់ ផ្នែកមួយចំនួនបន្តប្រឈមមុខខ្ពស់នឹងជំនន់ទឹកភ្លៀង៕