បច្ចុប្បន្នសម័យកាល កាន់តែទំនើបទៅៗ ដែលជំរុញធ្វើអោយការងារកាន់តែមានភាពលឿនរហ័យ និងងាយស្រួលជាងមុន។ ក្នុងពេលនេះដែរ ប្រសិនបើលោកអ្នក ទើបតែទិញយានជំនិះថ្មី ហើយចង់ចរាចរណ៏យានជំនិះរបស់លោកអ្នក នៅតាមដងផ្លូវ ដោយ ស្របច្បាប់ លោកអ្នកអាចធ្វើការចុះបញ្ជីធ្វើផ្លាកលេខ យានជំនិះរបស់លោកអ្នកបានតាមរយៈគេហទំព័រ វេបសាយរបស់ក្រសួងផ្ទាល់តែម្ដង ដោយធ្វើទៅតាមនីតិវិធីច្បាប់ដែលបាន កំណត់។លក្ខខណ្ឌចំពោះ ការចុះបញ្ជីរថយន្តរបស់លោកអ្នក ដោយខ្លួនឯងបាន លោកអ្នកតម្រូវអោយ បង្កើតគណនីមួយ រួចបំពេញព័ត៌មាន ផ្ទាល់ខ្លួនរបស់លោកអ្នក និងព័ត៌មានរថយន្ត ព្រមទាំង បញ្ចូលរូបភាពបង្កាន់ដៃ ពន្ធនាំចូល លិខិតទិញលក់រថយន្ត វិញ្ញាបន ប័ត្រ ត្រួតពិនិត្យ លក្ខណៈបច្ចេកទេស រួមជាមួយ អត្តសញ្ញាណប័ណ្ណ សញ្ជាតិខ្មែរ ឬសៀវភៅស្នាក់នៅ ឬសៀវភៅ គ្រួសារ របស់ម្ចាស់រថយន្ត។ដោយឡែក កាលពីម្សិលមិញនេះផងដែរ តាមរយៈគេហទំព័រផេក របស់ក្រសួង សាធារណការ និងដឹកជញ្ចូន បានបង្ហោះពីរបៀបចុះបញ្ជី ធ្វើផ្លាកលេខពិសេសផ្ទាល់ខ្លួន ដែលអាចប្រើប្រាស់ជាតួអក្សរ អង់គ្លេសជំនួសលេខបាន ដោយមិនអាចលើសពីចំនួន ៨តួអក្សរនោះឡើយ ដើម្បីតម្រូវការ និងបង្កើនប្រាក់ចំណូលរដ្ឋ។ក្នុងខ្លឹមសារនេះ ខាងក្រសួងបានសរសេរថា៖”ប្រព័ន្ធចុះបញ្ជីលេខពិសេសផ្ទាល់ខ្លួន (លេខឬអក្សរមិនលើសពី៨ខ្ទង់) កំពុងត្រូវបានអភិវឌ្ឍ ខណៈដែលអនុក្រឹត្យ ស្តីពី ការចេញផ្លាកលេខសម្គាល់យានជំនិះ កំពុងត្រូវបានកែសម្រួល ដើម្បីអោយឆ្លើយតបទៅនឹងតម្រូវការ របស់ប្រជាពលរដ្ឋ និងបង្កើនចំណូលរដ្ឋ យើងខ្ញុំស្វាគមន៍ រាល់មតិយោបល់ស្ថាបនាទាំងឡាយ ដើម្បីចូលរួមចំណែកជំរុញ ការរៀបចំ អោយបានកាន់តែល្អប្រសើរឡើង! សូមអរគុណ”៕