ភ្នំពេញ ៖ ប្រជាជនកម្ពុជា គ្រាន់ តែចុចប៊ូតុងមួយ លើស្មាតហ្វូន របស់ខ្លួននឹងទទួល បានសេវាដឹកជញ្ជូន ធ្វើដំណើរតម្លៃសមរម្យ មានទំនុកចិត្ត និងសុវត្ថិភាព ក៏ដូចជាមធ្យោបាយថ្មី ងាយស្រួលក្នុងការ រកប្រាក់ ចំណូលបន្ថែម ដោយសារ Uber បង្ហាញវត្តមានរបស់ខ្លួនក្នុងរាជធានីភ្នំពេញហើយ។ លោក Brooks Entwistle នាយកគ្រប់គ្រង អាជីវកម្ម ក្រុមហ៊ុន Uber បានមានប្រសាសន៍ ថា“យើងខ្ញុំពិតជា រំភើបរីករាយក្រៃលែង ក្នុងការសម្ពោធ ដំណើរការបច្ចេកវិទ្យា ridesharing នៅកម្ពុជា ដើម្បីបម្រើសេវាជូន អ្នកធ្វើដំណើរ អ្នកបើកបរជាដៃគូ និងអ្នករស់នៅរាជធានីភ្នំពេញ។ ពិធីសម្ពោធនេះ ជាសក្ខីភាពបង្ហាញ ពីកម្លាំង ចលកររបស់យើង ដែលកំពុងរីកចម្រើនជោគជ័យ នៅទូទាំងតំបន់អាស៊ីអាគ្នេយ៍។ យើងពិតជាមិនអាច សម្រេច ជោគជ័យនេះបានទេ បើគ្មានការចូលរួមគាំទ្រ និងសហការយ៉ាងជិតស្និទ្ធ ពីរាជរដ្ឋាភិបាលកម្ពុជា”។ Uberសូមសម្ដែងនូវអំណរសាទរ ដែលកម្ពុជា មានមធ្យោបាយដឹកជញ្ជូន ទំនើបមួយចំនួន ដែលឆ្លើយតបនឹង តម្រូវការក្នុងតំបន់អាស៊ី ជាក់ស្តែងកម្ពុជា ជាប្រទេសដំបូងគេបង្អស់ នៅអាស៊ីដែលចាប់ផ្ដើម អនុវត្តការងារ ឲ្យប្រើប្រាស់បច្ចេកវិទ្យា ridesharing មុនពេលសេវាកម្ម ridesharing របស់ក្រុមហ៊ុនUber សម្ពោធដាក់ឲ្យប្រើ ប្រាស់ជាផ្លូវការ ។ ទាំងនេះជាការរួមចំណែក ដល់វិស័យសេដ្ឋកិច្ចជាមួយ សក្ដានុពលឈានមុខ គេក្នុងចំណោម បណ្ដាប្រទេសដទៃទៀត ក្នុងតំបន់ដែលអាចឆ្លើយ តបទៅនឹងបច្ចេកវិទ្យា និងឱកាសថ្មីៗ។ លោក ផែង សុវិជ្ជានោ រដ្ឋលេខាធិការ ក្រសួងសាធារណការ និងដឹកជញ្ជូន ក៏បានមានប្រសាសន៍ផងដែរថា “ក្រសួងសាធារណការ និងដឹកជញ្ជូន មានទស្សនៈវិស័យ និងការប្ដេជ្ញាខ្ពស់ក្នុងការកសាង ប្រព័ន្ធហេដ្ឋា រចនាសម្ព័ន្ធ និងមធ្យោបាយធ្វើដំណើរ បែបទំនើបប្រកបដោយគុណភាព ទំនុកចិត្ត និងសុវត្ថិភាព។ ហេតុនេះ ក្រសួងបានសហការជាមួយក្រុមហ៊ុន Uber រយៈពេលប្រាំមួយខែដើម្បីស្វែងយល់ និងនាំមកនូវប្រព័ន្ធ មធ្យោ បាយ ដឹកជញ្ជូន “shared mobility” ថ្មី ដូចជាបច្ចេកវិទ្យាកម្មវិធី Ridesharing នេះជាដើម។ ការសម្ពោធកម្មវិធី Uberថ្ងៃនេះ បង្ហាញឲ្យឃើញពីការរួមចំណែក របស់រាជរដ្ឋាភិបាល ជាមួយវិស័យឯកជន ក្នុងការផ្ដល់នូវអត្ថ ប្រយោជន៍ ពីបច្ចេកវិទ្យាថ្មី។ ក្រសួងសាធារណការ និងដឹកជញ្ជូនសូមសម្ដែង នូវការអបអរសាទរ ចំពោះការ សម្ពោធកម្មវិធីនេះ នៅកម្ពុជាក៏ដូចជាសង្ឃឹមថា វានឹងទទួលបានជោគជ័យ នៅតំបន់អាស៊ីនេះ។” ក្រុមហ៊ុន Uber និង ក្រសួងសាធារណការ និងដឹកជញ្ជូន ក៏បានចុះហត្ថលេខាលើ អនុស្សរណយោគយល់ (MOU) ស្ដីអំពីកិច្ចសហប្រតិបត្តិការយ៉ាងជិតស្និទក្នុងការជំរុញបច្ចេកវិទ្យា និង“shared mobility” ដើម្បីបម្រើ សេវា កម្មដល់កម្ពុជា និងប្រជាជនរបស់ខ្លួន។ ជាសក្ខីភាពក្នុងឱកាស ដ៏វិសេសវិសាលនេះ ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា បានថ្លែងឲ្យដឹងថា “Uber នាំមកនូវបច្ចេកវិទ្យាច្នៃបង្កើតថ្មី មកកាន់កម្ពុជា ដើម្បីផ្ដល់ជូននូវជម្រើស មធ្យោបាយដឹកជញ្ជូន ធ្វើដំណើរ ថ្មីមួយសម្រាប់អ្នកដំណើរ ក៏ដូចជាឱកាសរកចំណូល សម្រាប់អ្នកបើកបរផងដែរ ។ នេះជាគំរូឧទាហរណ៍ដ៏ល្អ មួយ សម្រាប់វិស័យឯកជន ដែលបានចូលរួមសហការយ៉ាង ជិតស្និទ្ធជាមួយរាជរដ្ឋាភិបាលកម្ពុជា ដើម្បីទាញ យកផលប្រយោជន៍ពីបច្ចេកវិទ្យាថ្មី ។ អរគុណចំពោះកិច្ចសហប្រតិបត្តិការនេះ កម្ពុជានឹងមានគម្រោង បច្ចេក វិទ្យានិយ័តភាពជឿនលឿនបំផុត សម្រាប់បច្ចេកវិទ្យា ridesharing ក្នុងតំបន់អាស៊ី ។” រាជធានីភ្នំពេញ នឹងចូលរួមជាមួយទីក្រុង ជាង ៦០០ផ្សេងទៀត ទូទាំងពិភពលោក ដែលមានប្រើប្រាស់ បច្ចេក វិទ្យា ridesharing នេះ ហើយកម្ពុជាក្លាយជាប្រទេសទី៧៨ ដែល Uber កំពុងដំណើរការ ឥឡូវនេះ ។ អ្នកធ្វើ ដំណើរអាចនឹងធ្វើដំណើរ ជាមួយសមាជិក Uber ណាមួយ ដែលជាអ្នកបើកបរផ្ទាល់ខ្លួន រឺជាតាក់ស៊ី។ ដើម្បីអបអរការសម្ពោធ របស់ខ្លួននៅរាជធានីភ្នំពេញ Uber ធ្វើការផ្ដល់ជូននូវការធ្វើដំណើរដោយឥតគិតថ្លៃចំនួន ១០ដង ដែលមានតម្លៃរហូតដល់ $៤ ក្នុងមួយដង រហូតដល់ថ្ងៃទី១៥ ខែតុលា ឆ្នាំ២០១៧។ អ្នកធ្វើដំណើរ គ្រាន់ តែបញ្ចូលលេខកូដផ្ដល់ជូនពិសេស “UberPPLaunch” នេះក្នុងកម្មវិធី Uber របស់ខ្លួនដែលអាចទាញ យកបានពី App Store ឬ Google Play។ Uber ជាក្រុមហ៊ុនដែលមានបេសកកម្ម ប្រែក្លាយមធ្យោបាយដឹកជញ្ជូន ធ្វើដំណើរជាទីទុកចិត្តដូច ចរន្តទឹក ហូរទៅកាន់គ្រប់ទីកន្លែង សម្រាប់គ្រប់គ្នា។ Uber បានបង្កើតឡើងនៅឆ្នាំ២០១០ ដើម្បីដោះស្រាយបញ្ហា ដ៏សាមញ្ញមួយគឺ ធ្វើដូចម្ដេចទើបអាចរកមធ្យោបាយ ធ្វើដំណើរបានដោយគ្រាន់ តែចុចប៊ូតុងមួយប៉ុណ្ណោះ ប្រាំពីរ ឆ្នាំក្រោយមក និងបន្ទាប់ពីការអនុវត្តជាក់ស្តែង ជាង5ពាន់លានដង រួចមកUber បានចាប់ផ្ដើម ពិនិត្យរកដំណោះ ស្រាយបញ្ហាប្រឈមកាន់ តែប្រសើរឡើងដូចជាការ កាត់បន្ថយការកកស្ទះ និងការបំពុលបរិស្ថាន ក្នុងទីក្រុង ដោយលើកទឹកចិត្តមនុស្សជាច្រើន ឲ្យប្រើប្រាស់រថយន្ត តែមួយចំនួនប៉ុណ្ណោះ៕