នំពេញៈ នាពេលបច្ចុប្បន្ននេះ សាលារាជធានីភ្នំពេញ បានយកចិត្តទុកដាក់ពីបញ្ហាការខូចខាតផ្លូវ ការកកស្ទះចរាចរណ៍ និងរៀបចំសណ្ដាប់ធ្នាប់ នៅតាមបណ្ដាមហាវិថីតូចធំ និងផ្លូវតូចៗមួយចំនួនធំ ក្នុងមូលដ្ឋានទាំង១២ខណ្ឌ ដើម្បីកាត់បន្ថយការកកស្ទះចរាចរណ៍ផងដែរ។ ជាក់ស្ដែង នៅព្រឹកថ្ងៃទី៣ ខែមករា ឆ្នាំ២០១៩ អាជ្ញាធរខណ្ឌ៧មករា កំពុងដំណើរជួសជុលជង្ហុកសម្រុកមាន់ នៅក្នុងមូលដ្ឋានតាមផ្លូវនានា ជាបន្តបន្ទាប់ ដូចជា តាមបណ្ដោយផ្លូវលេខ១០៩ ក្នុងមូលដ្ឋានសង្កាត់មិត្តភាព ខណ្ឌ៧មករា មួយកំណាត់នេះ ជង្ហុកខូច(សម្រុកមាន់) បង្កឲ្យបងប្អូនប្រជាពលរដ្ឋ ធ្វើដំណើរឆ្លងកាត់បណ្ដោយផ្លូវនេះ លំបាកក្នុងការធ្វើដំណើរ ចរាចរណ៍ទាំងព្រឹក ទាំងល្ងាចតែម្ដង។ យុទ្ធនាការនេះផងដែរ ជាយុទ្ធនាការទូទាំងប្រទេស ដើម្បីជួសជុលជង្ហុកសម្រុកមាន់ ឲ្យល្អឡើងវិញ ដាក់ឲ្យប្រជាពលរដ្ឋធ្វើដំណើរងាយស្រួលជាងមុន។ ជាចុងក្រោយ អាជ្ញាធសូមអំពាវនាវដល់បងប្អូនប្រជាពលរដ្ឋ រស់នៅមូលដ្ឋាន ចូលរួមសហការជាមួយអាជ្ញាធ ផ្ដល់ព័ត៌មានដល់អាជ្ញាធ នៅជង្ហុកសម្រុកមាន់ ចុះទៅជួសជុលឲ្យបានល្អឡើងវិញ បន្ថែមទៀតនោះ សូមប្រជាពលរដ្ឋជួយថែក្សា និងកុំដាក់តាំងលក់លើចិញ្ជើមផ្លូវ លើសពី១ភាគ៣ បន្តទៀត ដើម្បីកាត់បន្ថយការកកស្ទះទៀត និងលើកសោរភ័ណភាពទៅក្រុងផងដែរ៕