ភ្នំពេញ ថ្ងៃទី២៨ ខែធ្នូ ឆ្នាំ២០១៨ — ថ្នាក់ដឹកនាំ និងប្រជាពលរដ្ឋជាង៥០០នាក់បានចូលរួមជិះកង់ អបអរសាទរពិធីសម្ពោធវិមាន អនុស្សាវរីយ៍ឈ្នះ ឈ្នះ ដែលអ្នកចូលរួមជិះកង់នានាបានបង្ហាញនូវភាពរីករាយជាខ្លាំង នៅ ព្រឹក ថ្ងៃសុក្រ ទី២៨ ខែធ្នូ ឆ្នាំ២០១៨ ដោយចេញដំណើរពីពហុកីឡដ្ឋានជាតិអូឡាំពិក ឆ្ពោះ ទៅវិមានអនុស្សាវរីយ៍ឈ្នះ ឈ្នះ នៅទល់មុខពហុកីឡដ្ឋានជាតិមរតកតេជោ ស្ថិតនៅក្នុង សង្កាត់ ព្រែកតាសេក ខណ្ឌជ្រោយចង្វារ រាជធានីភ្នំពេញ។កម្មវិធីជិះកង់កម្សាន្ដអបអរសាទរពិធីសម្ពោធវិមានឈ្នះ ឈ្នះ និងខួប២០ឆ្នាំ នៃនយោបាយ ឈ្នះ ឈ្នះ របស់សម្ដេចតេជោ ហ៊ុន សែន ត្រូវធ្វើដំណើរលើចម្ងាយផ្លូវជាង២០គីឡូម៉ែត្រ ដែលមានវត្តមានថ្នាក់ដឹកនាំជាច្រើនរូបបានចូលរួម ដូចជាឯកឧត្តមទេសរដ្ឋមន្ដ្រី ស៊ុន ចាន់ថុល រដ្ឋមន្រ្ដីក្រសួងសាធារណការ​និងដឹកជញ្ជូន, ឯកឧត្តម ប៉ាន សូរស័ក្ដិ រដ្ឋមន្រ្ដី ក្រួសួង ពាណិជ្ជកម្ម ឯកឧត្តម សុខចិន្ដា សោភា រដ្ឋមន្រ្ដីប្រតិភូអមនាយករដ្ឋមន្រ្ដី រួមទាំងប្រជាពលរដ្ឋ ជាច្រើនទៀត។ឯកឧត្តម ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារ ណការ និងដឹកជញ្ជូន បានសម្ដែងនូវក្ដីរីករាយចំពោះការចូលរួមជិះកង់ជាមួយប្រជាពលរដ្ឋ ដើម្បីធ្វើ ដំណើរឆ្ពោះ ទៅអបអរសមិទ្ធផលថ្មីៗរបស់រាជរដ្ឋាភិបាល ពិសេសពិធីសម្ពោធវិមានអនុស្សាវរីយ៍ឈ្នះ ឈ្នះ និងនយោបាយឈ្នះ ឈ្នះរបស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជា ណាចក្រកម្ពុជា។ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា ដែលជា ស្ថាប័នទទួលបន្ទុករៀបចំសកម្មភាពកីឡាបានបញ្ជាក់ថា ការជិះកង់កម្សាន្តនេះ គឺផ្ដោត សំខាន់ក្នុងការអបអរពិធីសម្ពោធវិមាន ឈ្នះ ឈ្នះ និងខួប២០ឆ្នាំនៃនយោបាយឈ្នះ ឈ្នះ របស់សម្ដេចតេជោនាយករដ្ឋមន្ដ្រី ក៏ដូចជាឆ្លុះបញ្ចាំងពីទឹកចិត្ត ស្រឡាញ់សុខភាពកីឡា និង រួមចំណែកទាំងស្មារតី កម្លាំងកាយ ក្នុងការគាំទ្រដល់នយោបាយឈ្នះ ឈ្នះ គឺជិះកង់ ដើម្បី ជាការដឹងគុណ ចំពោះវីរភាពរបស់សម្ដេចតេជោ ដែលបានដាក់ចេញនយោបាយឈ្នះ ឈ្នះ រហូតមានសន្ដិភាព និងការអភិវឌ្ឍដូចសព្វថ្ងៃ។ ឯកឧត្តមបន្តថា ការជិះកង់នេះក៏ជាការចូល រួមការពារបរិស្ថានស្អាត ព្រោះកង់វាមិនបញ្ចេញនូវឧស្ម័នកាបូនិច ដែលធ្វើឱ្យ​មានបរិស្ថាន ស្អាត បរិស្ថានបៃតង និងការបំផុសឱ្យប្រជាពលរដ្ឋ ទូទាំងប្រទេសនាំគ្នាជិះកង់ ដើម្បីកាត់ បន្ថយនូវការបំពុលបរិស្ថាន និងបង្កើននូវសុខភាពល្អ។ ម្យ៉ាងវិញទៀត ការជិះកង់នេះ ក៏នឹង ធ្វើឱ្យអ្នកចូលរួមទាំងអស់រក្សាបានូវការចង់ចាំដ៏យូអង្វែង ក៏ដូចជាបន្ដដំណើរជាមួយរាជរដ្ឋាភិ បាលកម្ពុជា ដើម្បីរក្សានូវសុខសន្ដិភាព និងការអភិវឌ្ឍលើគ្រប់វិស័យ ក្នុងការចូលរួមបំផុស ចលនាកីឡាករឆ្ពោះទៅ ស៊ីហ្គេម ឆ្នាំ ២០២៣ នៅកម្ពុជាផងដែរ។ ក្រៅពីការជិះកង់កម្សាន្តនេះ គណៈកម្មាធិការជាតិអូឡាំពិកកម្ពុជា ក៏បានរៀបចំជាង១០ប្រភេទកីឡាផ្សេងទៀត និងការ សម្តែងខ្លីៗ លើប្រភេទកីឡាជាចម្រើនមុខទៀត ចាប់ពីថ្ងៃទី២៩ ដល់ថ្ងៃទី ៣១ ខែធ្នូ ឆ្នាំ២០១៨៕