[Rasmei Kampuchea Daily News] - ប្រកួតកីឡាហែលទឹកដណ្តើមពានរង្វាន់តេជោសែនលើកទី៤មាន១៣វិញ្ញាសារបិទបញ្ចប់
កំពង់ចាម:ព្រឹត្តិការណ៍ប្រកួតកីឡាហែលទឹកដណ្តើមពានរង្វាន់តេជោសែនលើកទី៤ លើវិញ្ញាសារចំនួន១៣ដែលកីឡាករ-កីឡាការិនីសរុបចំនួន ១២៥នាក់ មកពីបណ្តាក្លឹបចំនួនប្រាំបី។ កីឡាករចូលរួមប្រកួតនៅមណ្ឌលហែលទឹកតេជោសែនខេត្តកំពង់ចាមនោះបានបិទបញ្ចប់ការប្រកួតដោយលោក ស៊ុន ចាន់ថុល ប្រធានសហព័ន្ធខ្មែរកីឡាហែលទឹក និង ជារដ្ឋមន្ត្រីក្រសួងសាធារណការ និងដឹកជញ្ជួន នៅថ្ងៃអាទិត្យសប្តាហ៍កន្លងទៅនេះ។
លោក ហែម គិរី ប្រធានគណ:កម្មការបច្ចេកទេស នៃសហព័ន្ធខ្មែរ កីឡាហែលទឹកបានឲ្យដឹងថា ដំណើរការប្រកួតដណ្តើមពាន់រង្វាន់ឆ្នាំនេះបានប្រព្រឹត្តទៅរយ:ពេលពីរថ្ងៃ គឺពីថ្ងៃទី ១ ដល់ ២ ខែធ្នូ ឆ្នាំ២០១៨ មានចំនួន ១៣ វិញ្ញាសារ គឺ: ហែលរបៀបកង្កែបចម្ងាយ ៥០ ម៉ែត្រ។ កុមារីអាយុក្រោម ១៣ ឆ្នាំ, ហែលរបៀបកង្កែបចម្ងាយ ៥០ម៉ែត្រ កុមារាអាយុក្រោម ១៣ ឆ្នាំ, ហែលរបៀបមេអំបៅចម្ងាយ ៥០ម៉ែត្រ។
យុវនារីអាយុ ក្រោម១៨ឆ្នាំ, ហែលរបៀបសេរីចម្ងាយ ៥០ ម៉ែត្រ យុវជនអាយុក្រោម ១៨ ឆ្នាំ, ហែលរបៀបផ្ងារចម្ងាយ ១០០ ម៉ែត្រ កីឡាការិនីជំនាញ។ហែលរបៀបមេអំបៅចម្ងាយ ១០០ ម៉ែត្រ គីឡាករជំនាញ, ហែលរបៀបសេរីចម្ងាយ ៥០ម៉ែត្រ កីឡាករជនពិការ, ហែលរបៀបផ្ងារចម្ងាយ ៥០ម៉ែត្រ។ កុមារីអាយុក្រោម ១៣ ឆ្នាំ, ហែលរបៀបសេរីចម្ងាយ ៥០ម៉ែត្រ កុមារាអាយុក្រោម ១៣ ឆ្នាំ, ហែលរបៀបសេរីចម្ងាយ ១០០ម៉ែត្រ។យុវនារីអាយុក្រោម ១៨ឆ្នាំ, ហែលរបៀបកង្កែបចម្ងាយ ១០០ម៉ែត្រ យុវជនអាយុក្រោម ១៨ ឆ្នាំ, ហែលរបៀបកង្កែបចម្ងាយ១០០ ម៉ែត្រកីឡាការិនីជំនាញ និងវិញ្ញាសារហែលរបៀបឯកត្តជនចម្ងាយ ២០០ ម៉ែត្រ កីឡាករជំនាញ។
លោកប្រធានគណ:កម្មការបានឱ្យដឹងទៀតថា ជាលទ្ធផលបច្ចេកទេស នៃការប្រកួត គឺស្វែងរកឃើញ កីឡាករ-កីឡាការិនី មកពីក្លឹបក្រសួងមហាផ្ទៃ ដណ្តើមបានចំណាត់ថ្នាក់លេខ១ ចំនួន បួន វិញ្ញាសារ។ បន្ទាប់ក្លិបរបស់ក្រសួងសាធារណការនិងដឹកជញ្ជួនបានចំនួនបីវិញ្ញាសារនិងក្លិបសាលាខេនវិនអន្តរជាតិបានចំនួន ពីរ វិញ្ញាសារ។ ក្រៅពីនោះទទួលបានចំណាត់ថ្នាក់លេខ១ ដែរ គឺមួយវិញ្ញាសារដូចគ្នាមាន: ក្លិបក្រសួងសេដ្ឋកិច្ច និងហិរញ្ញវត្ថុ, ក្លឹបមច្ឆានុប,។ ក្លិបក្រសួងព័ត៌មាន និងក្លិបប៉ារ៉ាឡាំពិកកម្ពុជា។
ចំណែកក្លិបនាគរាជកំពង់ចាមជាម្ចាស់ផ្ទះ ទទួលបានលេខ២ លើវិញ្ញាសារចំនួន ពីរដែរ។
ជាមួយនោះសម្រាប់ថ្ងៃប្រកួតចុងក្រោយ ថ្ងៃទី ២ ខែធ្នូ ឆ្នាំ២០១៨ គឺមានការអញ្ជើញចូលរួមពីលោក ស៊ុន ចាន់ថុល ប្រធានសហព័ន្ធខ្មែរកីឡាហែលទឹក និងជារដ្ឋមន្ត្រីក្រសួងសាធារណការ និងដឹកជញ្ជួន និងលោកគួចចំរើនអភិបាលខេត្តកំពង់ចាមគឺញ៉ាំងឱ្យព្រឹត្តការណ៍បិទបញ្ចប់ការប្រកួតដណ្តើមពានរង្វាន់ហែលទឹកតេជោសែនលើកទី៤នោះ កាន់តែមានភាពអធិកអធមឡើង៕
