ក្រសួងសាធារណការ ចុះឆ្មក់ពិន័យឡានដឹកលើសទម្ងន់ ១៥គ្រឿង ចន្លោះពី ៥ ដល់ ២៩តោន ____ ក្រុមការងារចល័តចម្រុះនៃក្រសួងសាធារណការ និងដឹកជញ្ជូន សហការជាមួយស្ថានីយជញ្ជីងចំនួន ៧ បានចុះឆ្មក់ត្រួតពិនិត្យ និងផាកពិន័យឡានដឹកជញ្ជូនធុនធ្ងន់ចំនួន ១៥គ្រឿងនៅតាមទីតាំងផ្សេងៗគ្នា ចាប់ពីថ្ងៃទី១៧ ដល់ថ្ងៃទី១៩ ខែឧសភា ឆ្នាំ២០២៦។ ស្ថានីយជញ្ជីងទាំង ៧ ទីតាំងនោះរួមមាន៖ ស្ថានីយរាជានុកូល កាំពី ព្រៃព្នៅ ព្រែកឯង បឹងឃុនឆាង រំចេក និងថ្នល់ទទឹង ដោយបានចុះឆ្មក់ត្រួតពិនិត្យ និងផាកពិន័យឡានដឹកជញ្ជូនធុនធ្ងន់ចំនួន ១៥គ្រឿង ដែលបានដឹកទំនិញលើសទម្ងន់កំណត់ចាប់ពី ៥តោន ដល់ ២៩តោន នៅតាមទីតាំងផ្សេងៗគ្នា។ ក្រសួងបានក្រើនរម្លឹកដល់ម្ចាស់ក្រុមហ៊ុន និងអ្នកបើកបរទាំងអស់ ត្រូវចូលរួមគោរពច្បាប់ និងតម្រាយផ្លូវអនុញ្ញាតសម្រាប់ឡានចាប់ពីភ្លៅ៦ឡើងឱ្យបានត្រឹមត្រូវ។ ជាមួយគ្នានេះ ក្រុមការងារនឹងបន្តចុះឆ្មក់ត្រួតពិនិត្យនៅទូទាំងប្រទេស និងចាត់វិធានការច្បាប់យ៉ាងតឹងរ៉ឹងបំផុតដោយគ្មានការលើកលែងឡើយ៕