កិច្ចប្រជុំពិភាក្សាការងារលើគម្រោងតភ្ជាប់ផ្លូវតំបន់កណ្តាល (Central Regional Road Connectivity Project) ជាមួយតំណាងធនាគារវិនិយោគហេដ្ឋារចនាសម្ព័ន្ធអាស៊ី (AIIB) ទីស្ដីការក្រសួង៖ នារសៀលថ្ងៃអង្គារ ទី១៩ ខែឧសភា ឆ្នាំ២០២៦ ឯកឧត្តម យិត បុណ្ណា រដ្ឋលេខាធិការ និងជានាយកគម្រោង អញ្ជើញដឹកនាំកិច្ចប្រជុំពិភាក្សាការងារលើគម្រោងតភ្ជាប់ផ្លូវតំបន់កណ្តាល ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) ជាមួយលោកស្រី Jaishree Jindel (Project Team Leader) ដោយមានការចូលរួមពី ឯកឧត្ដមនាយករងគម្រោង លោកប្រធានគ្រប់គ្រងគម្រោង លោក-លោកស្រី ជាសមាជិក-សមាជិកាគម្រោងផងដែរ។ កិច្ចប្រជុំនេះត្រូវបានរៀបចំឡើងក្នុងគោលបំណងដើម្បីពិភាក្សាការងារ និងផ្តល់ព័ត៌មានជូនតំណាងធនាគារ AIIB ពីវឌ្ឍនភាពការងារដែលអង្គភាពគ្រប់គ្រងគម្រោងសម្រេចបាន រួមមាន៖ ប្រកាសសមាសភាពអង្គភាពគ្រប់គ្រងគម្រោង និងការបំពេញបន្ថែមនូវចំណុចមួយចំនួនក្នុង Term of Reference (TOR) ដើម្បីឱ្យស្របនឹងលក្ខខ័ណ្ឌបច្ចេកទេសរបស់ក្រសួង៕