ពិធីចុះហត្ថលេខាលើអនុស្សរណៈនៃការយោគយល់គ្នា រវាងក្រសួងសាធារណការ និងដឹកជញ្ជូន និងមន្ទីរពហុព្យាបាល សុខ រក្សា ស្តីពីការលើកកម្ពស់សុខុមាលភាពសម្រាប់ថ្នាក់ដឹកនាំ មន្រ្តី និងសមាជិកគ្រួសារមន្រ្តីនៃក្រសួងសាធារណការ និងដឹកជញ្ជូន ទីស្តីការក្រសួង៖ នាថ្ងៃពុធ ទី១ ខែមេសា ឆ្នាំ២០២៦ ឯកឧត្តម កែន រដ្ឋា អគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ បានអញ្ជើញជាអធិបតីក្នុងពិធីចុះហត្ថលេខាលើអនុស្សរណៈនៃការយោគយល់គ្នា រវាងក្រសួងសាធារណការ និងដឹកជញ្ជូន និងមន្ទីរពហុព្យាបាល សុខ រក្សា ក្នុងគោលបំណងបង្កើតនូវកិច្ចសហប្រតិបត្តិការ ស្តីពីការលើកកម្ពស់សុខុមាលភាពសម្រាប់ថ្នាក់ដឹកនាំ មន្រ្តី និងសមាជិកគ្រួសារមន្រ្តីនៃក្រសួងសាធារណការ និងដឹកជញ្ជូន។ សូមជម្រាបជូនថា តាមរយៈអនុស្សរណៈនៃការយោគយល់គ្នានេះ ថ្នាក់ដឹកនាំ មន្រ្តី និងសមាជិកគ្រួសារមន្រ្តីនៃក្រសួងសាធារណការ និងដឹកជញ្ជូន ទាំងអស់នឹងទទួលបាននូវអត្ថប្រយោជន៍ផ្នែកថែទាំសុខភាព សេវាពិនិត្យពិគ្រោះយោបល់ សេវាចាក់វ៉ាក់សាំង និងសេវាព្យាបាលជំងឺ ព្រមទាំងសេវាផ្សេងៗបន្ថែមទៀត ដោយទទួលបានការបញ្ចុះតម្លៃបន្ថែម ព្រមទាំងការប្រើប្រាស់បណ្ណ ប.ស.ស ដែលអាចកាត់បន្ថយការចំណាយគ្របដណ្តប់ទៅលើសេវារបស់មន្ទីរពហុព្យាបាល សុខ រក្សា៕