កិច្ចប្រជុំពិភាក្សាលើកដំបូង (Kick-off Meeting) ជាមួយក្រុមហ៊ុន Saman Corporation and Kunhwa Engineering & Consulting Co.,LTD in sub-consultant association with SBK Research and Development Co.,LTD ក្នុងការតភ្ជាប់បណ្ដាញលូតាមខ្នងផ្ទះប្រជាពលរដ្ឋ ទីស្ដីការក្រសួង៖ នាថ្ងៃសុក្រ ទី២០ ខែកុម្ភៈ ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំពិភាក្សាលើកដំបូង (Kick-off Meeting) ជាមួយក្រុមហ៊ុន Saman Corporation and Kunhwa Engineering & Consulting Co.,LTD in sub-consultant association with SBK Research and Development Co.,LTD ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ប្រធានគ្រប់គ្រងគម្រោង និងសមាជិកអង្គភាពគ្រប់គ្រងគម្រោងនៃក្រសួងសាធារណការ និងដឹកជញ្ជូន លោក-លោកស្រី តំណាងឯកឧត្តមអភិបាល នៃគណៈអភិបាលខេត្តគោលដៅទាំងបី រួមមាន ខេត្តកណ្ដាល ខេត្តបាត់ដំបង និងខេត្តពោធិ៍សាត់ និងក្រុមហ៊ុនទីប្រឹក្សាបច្ចេកទេស និងមន្ត្រីបច្ចេកទេសដែលពាក់ព័ន្ធផងដែរ។ កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យពិភាក្សាពីកិច្ចការងារចាប់ផ្ដើម ជាមួយក្រុមហ៊ុនទីប្រឹក្សាបច្ចេកទេស ក្នុងការតភ្ជាប់បណ្ដាញលូតាមខ្នងផ្ទះប្រជាពលរដ្ឋនៅក្នុងខេត្តគោលដៅចំនួនបី រួមមាន៖ ខេត្តកណ្ដាល ខេត្តពោធិ៍សាត់ និងខេត្តបាត់ដំបង សម្រាប់គម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC)។ គួរបញ្ជាក់ផងដែរថា៖ គម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC) គឺដើម្បីធានាឱ្យបាននូវប្រភពទឹកដែលមានគុណភាពតាមស្តង់ដារ គ្មានមេរោគ និងសារធាតុពុល ដើម្បីកាត់បន្ថយជំងឺដែលបង្កឡើងដោយទឹកមិនស្អាត និងពង្រឹងប្រព័ន្ធគ្រប់គ្រងទឹកកខ្វក់ ឱ្យបានត្រឹមត្រូវតាមលក្ខណៈបច្ចេកទេសត្រឹមត្រូវ ក្នុងការការពារការបំពុលបរិស្ថាន និងប្រភពទឹកក្រោមដី និងឈានទៅសម្រេចឱ្យបាននូវគោលដៅអភិវឌ្ឍន៍ប្រកបដោយចីរភាព ដើម្បីធានាឱ្យមានទឹកស្អាត និងអនាម័យសម្រាប់ទាំងអស់គ្នាត្រឹមឆ្នាំ២០៣០៕