អនុគម្រោងសាងសង់ទីលានទុកដាក់សំរាមប្រកបដោយអនាម័យនៅក្រុងបាវិត បាននបញ្ចប់ការងារសាងសង់ទាំងស្រុង និងរួចរាល់១០០ភាគរយកាលពីចុងឆ្នាំ២០២៥។ នេះបើតាមការបញ្ជាក់របស់លោក ផន រឹម អ្នកនាំពាក្យក្រសួងសាធារណការ។ អ្នកនាំពាក្យបន្ថែមថា អនុគម្រោងសាងសង់ទីលានទុកដាក់សំរាមក្រុងបាវិត មានសមត្ថភាពស្តុកសំរាមបាន៦៣២,៧៨៤ម៉ែត្រគូប។ គួរឱ្យដឹងថា ទីលានទុកដាក់សំរាមក្រុងបាវិត ស្ថិតនៅភូមិច្រកម្ទេស សង្កាត់ច្រកម្ទេស ក្រុងបាវិត ខេត្តស្វាយរៀង មានផ្ទៃដីទំហំ២១ហិកតា ត្រូវបានប្រកាសបើកការដ្ឋានសាងសង់ជាផ្លូវការកាលពីថ្ងៃទី៣១ ខែមករា ឆ្នាំ២០២៥។ ទីលានទុកដាក់សំរាមនេះស្ថិតក្រោមកិច្ចព្រមព្រៀងឥណទានសម្បទាន ដែលជាគម្រោងមួយស្ថិតក្នុងចំណោមគម្រោងទាំង៥ ត្រូវបានរាជរដ្ឋាភិបាលកម្ពុជាចុះហត្ថលេខាជាមួយ ADB កាលពីថ្ងៃទី៨ ខែធ្នូ ឆ្នាំ២០២១៕