កិច្ចប្រជុំពិភាក្សា និងផ្តល់យោបល់បន្ថែម លើរបាយការណ៍វាយតម្លៃហេតុប៉ះពាល់បរិស្ថានពេញលេញ រៀបចំឡើងដើម្បីប្រមូលមតិយោបល់ពីភាគីពាក់ព័ន្ធ លើរបាយការណ៍គម្រោង មុននឹងឈានទៅការអនុម័ត និងអនុវត្តគម្រោង ទីស្ដីការក្រសួង៖ នាថ្ងៃសុក្រ ទី១៦ ខែមករា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំពិនិត្យពិភាក្សា និងផ្តល់យោបល់បន្ថែម លើរបាយការណ៍វាយតម្លៃផលប៉ះពាល់បរិស្ថានពេញលេញ ដោយមានការអញ្ជើញចូលរួមពី ឯកឧត្តមនាយករងគម្រោង ប្រធានគ្រប់គ្រងគម្រោង សមាជិក សមាជិកាគម្រោង តំណាងមន្ទីរសាធារណការ និងដឹកជញ្ជូន ខេត្តកំពង់ស្ពឺ តំណាងក្រុមហ៊ុន Green Assessment Co.,Ltd និងតំណាង ក្រុមការងារ BUCG។ កិច្ចប្រជុំនេះធ្វើឡើងក្នុងគោលបំណងដើម្បីពិនិត្យពិភាក្សា និងផ្តល់យោបល់បន្ថែម លើរបាយការណ៍វាយតម្លៃហេតុប៉ះពាល់បរិស្ថានពេញលេញ សម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធប្រព្រឹត្តកម្មទឹកកខ្វក់ នៅក្រុងច្បារមន ខេត្តកំពង់ស្ពឺ៕