សប្បុរសជននាំមកនូវអំណោយ ដើម្បីជួយដល់បងប្អូនប្រជាពលរដ្ឋភៀសសឹកកម្ពុជា តាមការអំពាវនាវរបស់ក្រសួងសាធារណការ និងដឹកជញ្ជូន ទីស្តីការក្រសួង៖ នារសៀលថ្ងៃអង្គារ ទី២៣ ខែធ្នូ ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងពិធីប្រគល់-ទទួលអំណោយសប្បុរសធម៌ពី អគ្គនាយកក្រុមហ៊ុន LESSO ប្រចាំប្រទេសកម្ពុជា ដែលមានជាគ្រឿងឧបភោគបរិភោគសរុបរួមមាន៖ អង្ករ ទឹកសុទ្ធ ភេសជ្ជៈ នំខ្មែរ និងថវិកាមួយចំនួនផងដែរ ដើម្បីចូលរួមជាមួយក្រសួងសាធារណការនិងដឹកជញ្ជូន នាំយកទៅប្រគល់ជូនបងប្អូនប្រជាពលរដ្ឋភៀសសឹក ដោយសារសង្គ្រាមឈ្លានពានដ៏ឃោរឃៅគ្មានមនុស្សធម៌ពីសំណាក់យោធាថៃ។ នេះជាទឹកចិត្តដ៏ធំធេងដែលបានបង្ហាញនូវការគោរពស្រឡាញ់ ក្នុងន័យបង្ហាញពីខឿនការពារជាតិ និងចលនាគាំទ្រក្នុងស្មារតីខ្មែរតែមួយ ជាពិសេសការគិតគូរដល់បងប្អូនប្រជាពលរដ្ឋភៀសសឹក ដែលបាននិងកំពុងជម្លៀសចេញពីផ្ទះសម្បែងមកទីកន្លែងសុវត្ថិភាព៕