សិក្ខាសាលាពិគ្រោះយោបល់ ស្តីពីបទដ្ឋានបច្ចេកទេសសំណង់ផ្លូវ និងស្ពានជំហានទី២ (Stakeholder Consultation Phase 2) ទីស្តីការក្រសួង៖ នាថ្ងៃពុធ ទី១៩ ខែវិច្ឆិកា ឆ្នាំ២០២៥ ឯកឧត្តម យិត ប៊ុណា្ណ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញជាអធិបតីសិក្ខាសាលាពិគ្រោះយោបល់ ស្តីពីបទដ្ឋានបច្ចេកទេសសំណង់ផ្លូវ និងស្ពានជំហានទី២ (Stakeholder Consultation Phase 2) ដោយមានការចូលរួមពី ឯកឧត្តម លោកជំទាវ ជាថ្នាក់ដឹកនាំក្រសួង នាយកប្រតិបត្តិ និងក្រុមការងារ P4I & Austroads តំណាងក្រសួង-ស្ថាប័ន ដៃគូអភិវឌ្ឍន៍ និងមន្ទីរពាក់ព័ន្ធផងដែរ។ សិក្ខាសាលានេះត្រូវបានរៀបចំឡើងក្នុងគោលបំណងពិគ្រោះយោបល់ទៅលើបទដ្ឋានបច្ចេកទេសថ្មី ដែលចេញពីចំណងកិច្ចសហប្រតិបត្តិការរវាងកម្ពុជា-អូស្ត្រាលី និងកិច្ចខិតខំប្រឹងប្រែងរួមគ្នាក្នុងការរៀបចំកែសម្រួល និងធ្វើបច្ចុប្បន្នភាពបទដ្ឋានបច្ចេកទេសតាំងពីឆ្នាំ២០០០ ដើមី្បឆ្លើយតបនឹងតម្រូវការនាពេលបច្ចុប្បន្ន ក្នុងវិស័យហេដ្ឋារចនាសម្ព័ន្ធផ្លូវ និងស្ពានក្នុងព្រះរាជាណាចក្រកម្ពុជា។ សិក្ខាសាលានេះក៏បានបង្ហាញនៅបច្ចេកទេសក្នុងការឌីហ្សាញ និងកែសម្រួលទៅកិច្ចការងារសាងសង់ និងការអភិវឌ្ឍហេដ្ឋារចនាសម្ព័ន្ធផ្លូវថ្នល់ និងស្ពាន ដើម្បីពង្រឹងសមត្ថភាពវិស្វករជំនាញ និងមន្ត្រីបច្ចេកទេសនៅប្រទេសកម្ពុជាក្នុងការអនុវត្តបទដ្ឋានបច្ចេកទេសថ្មីៗឱ្យមានប្រសិទ្ធភាពជាអតិបរមា តាមរយៈការរៀបចំសិក្ខាសាលា កម្មវិធីបណ្តុះបណ្តាល និងការចែករំលែកចំណេះដឹង ដែលនឹងប្រែក្លាយជាកម្លាំងចលករជួយជំរុញដ៏មានសក្តានុពលក្នុងការប្រើប្រាស់បទដ្ឋានបច្ចេកទេសទាំងនេះឱ្យកាន់តែទូលំទូលាយងថ្នាក់ជាតិ និងថ្នាក់ក្រោមជាតិ៕