មន្ត្រីពាក់ព័ន្ធចុះពិនិត្យទីតាំងជាក់ស្ដែងសម្រាប់អនុវត្តគម្រោងសាងសង់ទីលានទុកដាក់សំរាម ក្រុងប៉ោយប៉ែតនៃគម្រោងអភិវឌ្ឍន៍ទីក្រុងគួរឱ្យចង់រស់នៅ នៅថ្ងៃទី ១៦ តុលា ២០២៥ លោក ឃ្លោក នួយ អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត និងលោក ពូ ម៉ានិត អគ្គនាយករង នៃអគ្គនាយកដ្ឋានចម្រោះទឹកកខ្វក់ និងជានាយករងគម្រោង បានដឹកនាំក្រុមការងារ ចុះពិនិត្យទីតាំងជាក់ស្ដែងសម្រាប់អនុវត្តគម្រោងសាងសង់ទីលានទុកដាក់សំរាម ក្រុងប៉ោយប៉ែតនៃគម្រោងអភិវឌ្ឍន៍ទីក្រុងគួរចង់រស់នៅ របស់ក្រសួងសាធារណៈការ និងដឹកជញ្ជូន ខេត្តបន្ទាយមានជ័យ ។ ដោយមានការចូលរួមពីរ លោក គាត ហ៊ុល អភិបាលក្រុងប៉ោយប៉ែត មន្ទីរអង្គភាពពាក់ព័ន្ធ អាជ្ញាធរមូលដ្ឋាន និងបងប្អូនប្រជាពលរដ្ឋ ការចុះពិនិត្យមើលទីតាំងនេះស្ថិតនៅ ភូមិទួលពង្រ សង្កាត់អូរឫស្សី ក្រុងប៉ោយប៉ែត៕