លោកជំទាវ ឥម នីថារ៉ា រដ្ឋលេខាធិការ និងជាប្រធានក្រុមការងារចលនាស្រ្តី នៃក្រុមការងារគណបក្សចុះមូលដ្ឋានស្រុកោះធំ ខេត្តកណ្ដាល អញ្ជើញចូលរួមពិធីសំណេះសំណាល និងប្រកាសទទួលស្គាល់សមាសភាពក្រុមការងារចលនាស្រ្តី នៃគណបក្សចុះមូលដ្ឋានស្រុកកោះធំ ខេត្តកណ្ដាល ក្រោមអធិបតីភាពដ៏ខ្ពង់ខ្ពស់ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា អនុប្រធានទី១ នៃគណៈអចិន្រ្តៃយ៍ក្រុមការងារចុះមូលដ្ឋានខេត្ត និងជាប្រធានក្រុមការងារចលនាស្រ្តី នៃក្រុមការងារគណបក្សចុះមូលដ្ឋានខេត្តកណ្ដាល ស្រុកកោះធំ ខេត្តកណ្តាល៖ នាព្រឹកថ្ងៃសៅរ៍ ទី២៧ ខែកញ្ញា ឆ្នាំ២០២៥ លោកជំទាវ ឥម នីថារ៉ា រដ្ឋលេខាធិការ និងជាប្រធានក្រុមការងារចលនាស្រ្តី នៃក្រុមការងារគណបក្សចុះមូលដ្ឋានស្រុកោះធំ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា ប្រធានក្រុមការងារគណបក្សចុះមូលដ្ឋានស្រុកកោះធំ បានអញ្ជើញចូលរួមពិធី សំណេះសំណាល និងប្រកាសទទួលស្គាល់សមាសភាពក្រុមការងារចលនាស្រ្តី នៃគណបក្សចុះមូលដ្ឋានស្រុកកោះធំ ក្រោមអធិបតីភាពដ៏ខ្ពង់ខ្ពស់ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា អនុប្រធានទី១ នៃគណ:អចិន្រ្តៃយ៍ក្រុមការងារចុះមូលដ្ឋានខេត្តនិងជាប្រធានក្រុមការងារចលនាស្រ្តី នៃក្រុមការងារគណបក្សចុះមូលដ្ឋានខេត្តកណ្ដាល ដោយពិធីនេះមានការចូលរួមពីសំណាក់ ថ្នាក់ដឹកនាំ ឯកឧត្តម លោកជំទាវ លោក លោកស្រី អញ្ជើញមកពីរដ្ឋសភា ក្រសួង ស្ថាប័ន ថ្នាក់ខេត្ត កណ្ដាល និងស្រ្តីតាមបណ្ដា ភូមិ ឃុំទាំង ៦ នៃស្រុកកោះធំ មានអ្នកចូលរួមសរុប ៣០០ នាក់ ដែលមានទីតាំងស្ថិតនៅទីស្នាក់ការបក្សស្រុកកោះធំ ខេត្តកណ្តាល។ កម្មវិធីនេះត្រូវបានធ្វើឡើងក្នុងគោលបំណងជួបសំណេះសំណាល ប្រកាសទទួលស្គាល់សមាសភាពក្រុមការងារចលនាស្រ្តី នៃក្រុមការងារចុះមូលដ្ឋានស្រុកកោះធំ និងពង្រីកចំណងសាមគ្គីភាពផ្ទៃក្នុងបក្សដោយគោរពនូវគោលការណ៍របស់គណបក្ស បន្តជួយសម្របសម្រួលជម្រុញការអនុវត្តភារកិច្ចរបស់ក្រុមការងារចលនាស្រ្តីនៅតាមស្រុក ឃុំ ភូមិ និងបំពាក់បំប៉នគោលជំហរ សតិអារម្មណ៍ដល់ស្រ្តី ឪ្យចេះស្រឡាញ់គណបក្សប្រជាជនកម្ពុជា កោតសរសើរជូនដល់ស្រ្តីភូមិ ឃុំ ស្រុកគ្រប់រូប ដែលបានយកចិត្តទុកដាក់ខិតខំបំពេញការងារ និងផ្តល់សេវាជូនបងប្អូនប្រជាពលរដ្ឋបានយ៉ាងល្អប្រសើរនាពេលកន្លងមក៕