កាលពីព្រឹកថ្ងៃទី ១២ ខែកញ្ញា ឆ្នាំ ២០២៥ នេះ អាជ្ញាធរខណ្ឌពោធិ៍សែនជ័យ បានប្រារព្ធពិធីបើកការដ្ឋានជួសជុលផ្លូវបេតុងអាមេ ១ ខ្សែ ស្ថិតនៅភូមិទួលពង្រ សង្កាត់ចោមចៅទី ១ ខណ្ឌពោធិ៍សែនជ័យ ដើម្បីដាក់ឲ្យប្រជាពលរដ្ឋធ្វើដំណើរងាយស្រួល។លោក ប៉ាង លីដា អភិបាលរងខណ្ឌពោធិ៍សែនជ័យ បានឲ្យដឹងថា ដើម្បីងាយស្រួលដល់ប្រជាពលរដ្ឋ កម្មករ កម្មការិនី ធ្វើដំណើរប្រកបរបរផ្សេងៗ ជាពិសេសសិស្សានុសិស្ស ធ្វើដំណើរឆ្លងកាត់ អាជ្ញាធរចាត់តាំងមន្ត្រីជំនាញចុះពិនិត្យជាក់ស្ដែង ដើម្បីស្ថាបនាជាផ្លូវបេតុង។លោក ប៉ាង លីដា បន្តថា ការស្ថាបនាជួសជុលផ្លូវបេតុងអាមេ ១ ខ្សែ ខាងលើ មានប្រវែង ១,៦១១ ម៉ែត្រ ទទឹង ៦ ម៉ែត្រ កម្រាស់ ០.១៥ ម៉ែត្រ ស្ថិតនៅភូមិទួលពង្រ ដោយប្រើប្រាស់ថវិកាអស់ ៤៦៥,៩០១.២០០ រៀល របស់មូលនិធិសង្កាត់ ឆ្នាំ ២០២៥។ពិធីបើកការដ្ឋានជួសជុលផ្លូវបេតុងអាមេនេះ ក្រោមអធិបតីភាព លោក ប៉ាង លីដា អភិបាលរង នៃគណៈអភិបាលខណ្ឌពោធិ៍សែនជ័យ តំណាងឲ្យលោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ៕