កិច្ចប្រជុំផ្សព្វផ្សាយការងារទប់ស្កាត់ការដឹកជញ្ជូនលើសទម្ងន់កម្រិតកំណត់ តាមបណ្តោយផ្លូវជាតិលេខ៤៨ ក្នុងភូមិសាស្រ្តខេត្តកោះកុង កោះកុង៖ នាថ្ងៃចន្ទ ទី២៥ ខែសីហា ឆ្នាំ២០២៥ ឯកឧត្តម សេង ឈួន រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ និងឯកឧត្តម សូរ វ៉ិចទ័រ រដ្ឋលេខាធិការ អមដំណើរដោយ ឯកឧត្តម គឹម សាន់ អនុរដ្ឋលេខាធិការទទួលបន្ទុក ឯកឧត្តម ម៉ី ម៉ារ៉ាឌី អនុរដ្ឋលេខាធិការទទួលបន្ទុក លោកប្រធានលេខាធិការដ្ឋាន បានដឹកនាំគណៈប្រតិភូចុះផ្សព្វផ្សាយការងារទប់ស្កាត់ការដឹកជញ្ជូនលើសទម្ងន់កម្រិតកំណត់ តាមបណ្តោយផ្លូវជាតិលេខ៤៨ ក្នុងភូមិសាស្រ្តខេត្តកោះកុង ដោយមានការចូលរួមពីអាជ្ញាធរក្រុង-ស្រុកទាំង៧ របស់ខេត្តកោះកុង ម្ចាស់ដេប៉ូខ្សាច់តាមបណ្តោយផ្លូវជាតិលេខ៤៨ នៅសាលប្រជុំរដ្ឋបាលស្រុកស្រែអំបិល។