វេទិកាសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ដ្របញ្ចកោណ ដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ នៅស្រុកពេជ្រាដា មណ្ឌលគិរី៖ នថ្ងៃពុធ ទី១៦ ខែកក្កដា ឆ្នាំ២០២៥ ឯកឧត្តម អុីន តុងអាន អនុរដ្ឋលេខាធិការទីស្ដីការគណៈរដ្ឋមន្រ្តី និងជាប្រធានក្រុមការងារចុះមូលដ្ឋានស្រុកពេជ្រាដា អញ្ជើញជាអធិបតីក្នុងវេទិកាសាធារណៈថ្នាក់ជាតិដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ដ្របញ្ចកោណ ដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ ដោយមានការអញ្ជើញចូលរួមពី លោក ងិន សុវិមាន អភិបាលរងខេត្ត និងក្រុមការងារថ្នាក់ខេត្ត ចុះមូលដ្ឋានស្រុកពេជ្រាដា និងសំណាក់ លោក វណ្ណា ម៉ាប់ អភិបាលស្រុកពេជ្រាដា អភិបាលរងស្រុក កងកម្លាំងប្រដាប់អាវុធទាំងបីប្រភេទ លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត អាជ្ញាធរមូលដ្ឋានស្រុក ភូមិ ឃុំ និងប្រជាពលរដ្ឋចូលរួមជាច្រើនរូប។ វេទិកានេះរៀបចំឡើងក្នុងគោលបំណង ដើម្បីដោះស្រាយបញ្ហាប្រឈម និងតម្រូវការរបស់ប្រជាពលរដ្ឋនៅមូលដ្ឋាន ស្ថិតនៅភូមិពូទិល ឃុំប៊ូស្រា ស្រុកពេជ្រាដា ខេត្តមណ្ឌលគិរី។ នៅក្នុងដំណើរការកំពុងប្រព្រឹត្តទៅរបស់អង្គវេទិកា បងប្អូនប្រជាពលរដ្ឋដែលបានអញ្ជើញចូលរួម បានលើកឡើងពីបញ្ហាកង្វល់ ក៏ដូចជាសំណូមពរផ្សេងៗមកកាន់ក្រុមការងាររាជរដ្ឋាភិបាលស្នើសុំជួយដោះស្រាយ ដែលក្នុងនោះរួមមាន ផ្លូវ ភ្លើង សាលារៀន ស្នើសុំធ្វើប័ណ្ណក្រីក្រ ប័ណ្ណសមធម៌ បញ្ហាចាក់វ៉ាក់សាំងគោក្របី តម្លៃកសិផល កសិកម្ម វេទិកានេះបានប្រព្រឹត្តទៅស្ថិតនៅភូមិពូទិល ឃុំប៊ូស្រា ស្រុកពេជ្រាដា ខេត្តមណ្ឌលគិរី៕