កិច្ចប្រជុំពិនិត្យតាមដានអំពីវឌ្ឍនភាពការងារ និងការសម្របសម្រួលដោះស្រាយបញ្ហាប្រឈមមួយចំនួន នៅស្ថានីយប្រព្រឹត្តកម្មទឹកកខ្វក់ ស្ថានីយបូមទឹក និងទីលានទុកដាក់សំរាម ខេត្តកំពត ទីស្ដីការក្រសួងសេដ្ឋកិច្ច និងហិរញ្ញវត្ថុ៖ នាថ្ងៃព្រហស្បតិ៍ ទី៥ ខែមិថុនា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំគណៈប្រតិភូក្រសួង ចូលរួមកិច្ចប្រជុំពិនិត្យតាមដានអំពីវឌ្ឍនភាពការងារ និងការសម្របសម្រួលដោះស្រាយបញ្ហាប្រឈមមួយចំនួននៅស្ថានីយប្រព្រឹត្តកម្មទឹកកខ្វក់ ស្ថានីយបូមទឹក និងទីលានទុកដាក់សំរាម ខេត្តកំពត ដោយមានការអញ្ជើញចូលរួមពី ឯកឧត្តមរដ្ឋលេខាធិការ ឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ មន្ត្រីជំនាញនៃក្រសួងសេដ្ឋកិច្ច និងហិរញ្ញវត្ថុ តំណាងធនាគារអភិវឌ្ឍន៍អាស៊ី(ADB)តំណាងរដ្ឋបាលខេត្តកំពត និងតំណាងមន្ទីសាធារណការ និងដឹកជញ្ជូន ខេត្តកំពត ផងដែរ។ កិច្ចប្រជុំនេះធ្វើឡើងក្នុងគោលបំណងដើម្បីចូលរួមតាមដានអំពីវឌ្ឍនភាព និងសម្របសម្រួលដោះស្រាយបញ្ហារាំងស្ទះផ្សេងៗ ដែលបាននឹងកំពុងកើតមានឡើងនៅស្ថានីយប្រព្រឹត្តកម្មទឹកកខ្វក់ ស្ថានីយបូមទឹក និងទីលានទុកដាក់សំរាម ខេត្តកំពត ក្នុងការធានាឱ្យបាននូវប្រសិទ្ធភាពក្នុងកិច្ចការងារគ្រប់គ្រង និងថែទាំសមិទ្ធផលហេដ្ឋារចនាសម្ព័ន្ធ និងគ្រឿងបរិក្ខារនានារបស់ស្ថានីយប្រព្រឹត្តកម្មទឹកកខ្វក់ ស្ថានីយបូមទឹក និងទីលានទុកដាក់សំរាមក្នុងខេត្តកំពត ដែលស្ថិតនៅក្រោមក្របខ័ណ្ឌគម្រោងអភិវឌ្ឍន៍ក្រុងរបៀងនៃមហាអនុតំបន់មេគង្គ ជំហានទី២៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube