ថ្នាក់ដឹកនាំក្លឹបហែលទឹកក្រសួងសាធារណការ និងដឹកជញ្ជូន ចុះសួរសុខទុក្ខ និងផ្តល់រង្វាន់លើកទឹកចិត្តចំពោះកីឡាករ និងកីឡាការិនី ដែលទទួលបានជ័យលាភីក្នុងការប្រកួតពានរង្វាន់ ព្រឹទ្ធាចារ្យ ហែម ថុន ឆ្នាំ២០២៥ និងការប្រកួតកីឡា Finswimming Sea Wave នៅប្រទេសថៃ រាជធានីភ្នំពេញ៖ នាថ្ងៃព្រហស្បតិ៍ ទី០៥ ខែមិថុនា ឆ្នាំ២០២៥ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានក្លឹបហែលទឹកក្រសួងសាធារណការ និងដឹកជញ្ជូន រួមជាមួយសហការី បានអញ្ជើញចុះសួរសុខទុក្ខ ពិនិត្យការហាត់សម របស់កីឡាករក្លឹបហែលទឹកក្រសួង និងចូលរួមអបអរសាទរដល់កីឡាការិនី ហួន ទិត្យដាលីន ដែលទទួលបានជ័យលាភី ឈ្នះមេដាយមាសចំនួន ២ ក្នុងការប្រកួតក្នុងស្រុក មេដាយប្រាក់ចំនួន ២ និងមេដាយសំរិទ្ធចំនួន ២ ក្នុងការប្រកួតក្រៅស្រុក និងកីឡាករ ហែម ថុនរ៉ូណាល់ ទទួលបានមេដាយសំរិទ្ធ ចំនួន ២ ក្នុងការប្រកួតក្រៅស្រុក។ ឯកឧត្តមប្រធាន ក៏បានទទួលផ្តាំការសួរសុខទុក្ខពីសំណាក់ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងសម្តែងការកោតសរសើរចំពោះកីឡាករយើង ដែលបានខិតខំហ្វឹកហាត់ ប្រកួត ទទួលបានមេដាយ គួរជាទីមោទន: ទាំងចំពោះបុគ្គលខ្លួនឯងផង ក្លឹបផង និងប្រទេសជាតិផង។ ស្ថិតក្នុងឱកាសនេះ ឯកឧត្តមប្រធាន បានប្រគល់ថវិកាជាប្រាក់ឧបត្ថម្ភប្រចាំខែ និងប្រាក់រង្វាន់លើកទឹកចិត្តជូនដល់ក្លឹប កីឡាករ និងកីឡាការិនី ដែលទទួលជ័យលាភី ដោយផ្ទាល់ និងបានឧបត្ថម្ភដល់លោកគ្រូបង្វឹក ដែលនឹងត្រូវចេញទៅរៀននៅប្រទេសចិន នៅពេលខាងមុខ ជាមួយការក្រើនរំលឹកដល់កីឡាករ កីឡាការិនីទាំងអស់ ត្រូវបន្តខិតខំហ្វឹកហាត់បន្ថែមទៀត៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube