ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន អញ្ជើញចូលរួមកិច្ចប្រជុំអន្តរក្រសួងដើម្បីពិនិត្យ និងពិភាក្សាអំពីគោលនយោបាយលើកទឹកចិត្តក្នុងគោលដៅជំរុញការបូម ស្តារបាតទន្លេមេគង្គលើ ចាប់ពីព្រំប្រទល់រវាងខេត្តកណ្តាល និងខេត្តកំពង់ចាម ទីស្តីការក្រសួងសេដ្ឋកិច្ច និងហិរញ្ញវត្ថុ៖ នាព្រឹកថ្ងៃពុធ ទី៤ ខែមិថុនា ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញចូលរួមកិច្ចប្រជុំអន្តរក្រសួងដើម្បីពិនិត្យ និងពិភាក្សាអំពីគោលនយោបាយលើកទឹកចិត្តក្នុងគោលដៅជំរុញការបូម ស្តារបាតទន្លេមេគង្គលើ ចាប់ពីព្រំប្រទល់រវាងខេត្តកណ្តាល និងខេត្តកំពង់ចាម ក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។ កិច្ចប្រជុំនេះ មានគោលបំណងពិនិត្យពិភាក្សាអំពីគោលនយោបាយលើកទឹកចិត្ត ក្នុងគោលដៅជំរុញការបូម ស្តារបាតទន្លេមេគង្គលើ ចាប់ពីព្រំប្រទល់រវាងខេត្តកណ្តាល និងខេត្តកំពង់ចាមឡើងទៅលើ ក្នុងកម្រិតអន្តរក្រសួងពាក់ព័ន្ធ រួមមាន ក្រសួងសេដ្ឋកិច្ច និងហិរញ្ញវត្ថុ ក្រសួងសាធារណការ និងដឹកជញ្ជូន ក្រសួងធនធានទឹក និងឧតុនិយម និងក្រសួងរ៉ែ និងថាមពល៕