កិច្ចប្រជុំពិភាក្សាទៅលើលក្ខខណ្ឌបច្ចេកទេស នៃតម្រាយព្រែកជីកហ្វូណនតេជោ ខេត្តកណ្តាល៖ នៅថ្ងៃទី៣០ ខែឧសភា ឆ្នាំ២០២៥ ឯកឧត្តម ម៉ក់ ស៊ីដេត អនុរដ្ឋលេខាធិការក្រសួងសាធារណការ និងដឹកជញ្ជូន និងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល បានដឹកនាំកិច្ចប្រជុំពិភាក្សាទៅលើលក្ខខណ្ឌបច្ចេកទេស នៃតម្រាយព្រែកជីកហ្វូណនតេជោ ដោយមានការចូលរួមពីមន្រ្តីជំនាញបច្ចេកទេសផងដែរ។ កិច្ចប្រជុំបានពិភាក្សាលើចំណុចលក្ខខណ្ឌបច្ចេកទេសមួយចំនួននៃតម្រាយព្រែកជីកដែលមានការកែប្រែ ដូចជាផ្លូវនាវាចរណ៍នៅមាត់ច្រកចេញពីព្រែកពោធិ៍ ភ្ជាប់ទៅទន្លេបាសាក់ ត្រូវមានទទឹងធំ ព្រោះជាតម្រូវការសម្រាប់ការបត់នាវា និងការធ្វើនាវាចរណ៍។ ចំពោះដីនៅតាមសងខាងព្រែក គឺសម្រាប់សាងសង់ហេដ្ឋារចនាសម្ព័ន្ធផ្សេងទៀតដូចជា ស្ពានឆ្លងកាត់ និងផ្លូវអមព្រែកជីក។ល។ ជាលទ្ធផលអង្គប្រជុំសម្រេចឱ្យរៀបចំកិច្ចប្រជុំពិគ្រោះយោបល់ដើម្បីពន្យល់ប្រជាពលរដ្ឋអំពីលក្ខណៈបច្ចេកទេសនៃតម្រាយព្រែកជីក និងការបោះបង្គោលនៅព្រឹកថ្ងៃទី០៣ ខែមិថុនា ឆ្នាំ២០២៥ ដោយមានការចូលរួមបំភ្លឺដោយក្រុមការងារបច្ចេកទេសក្រសួងសាធារណការ និងដឹកជញ្ជូន និងរដ្ឋបាលខេត្តកណ្តាលផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube