សកម្មភាព ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈ ក្រុមការងារ ស.ស.យ.ក មន្ទីរសាធារណការ និងដឹកជញ្ជូនខេត្តឧត្តរមានជ័យ ចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ជាការពញ្ញាក់ស្មារតីដល់អ្នកប្រេីប្រាស់ផ្លូវថ្នល់ត្រូវមានការប្រុងប្រយ័ត្នខ្ពស់ ក្នុងការធ្វើដំណើរ ឧត្តរមានជ័យ : នៅថ្ងៃទី៧ ខែឧសភា ឆ្នាំ២០២៥ ក្រុមការងារស.ស.យ.ក វិស័យសាធារណការ និងដឹកជញ្ជូន តាមរយៈ ក្រុមការងារ ស.ស.យ.ក មន្ទីរសាធារណការ និងដឹកជញ្ជូនខេត្តឧត្តរមានជ័យ បានចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក និងបិទចំណាំងផ្លាតគោយន្តកន្ត្រៃ របស់បងប្អូនប្រជាពលរដ្ឋ នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ ដោយមានការចូលរួម ពីក្រុមការងារការិយាល័យសុវត្ថិភាពចរាចរណ៍របស់មន្ទីរ និងសមត្ថកិច្ចនៃការិយាល័យនរគបាលចរាចរណ៍ផ្លូវគោកខេត្ត និងប្រជាពលរដ្ឋ ចូលរួមសរុប ចំនួន ១៦២នាក់ ស្រី១៤នាក់។ ការចុះផ្សព្វផ្សាយច្បាប់ស្តីពីចរាចរណ៍ផ្លូវគោក នៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ ធ្វើឡើងដេីម្បីជាការពញ្ញាក់ស្មារតីដល់អ្នកប្រេីប្រាស់ផ្លូវអោយមានការប្រុងប្រយ័ត្នបានខ្ពស់ ក្នុងគោលបំណងរួមចំណែកកាត់បន្ថយគ្រោះថ្នាក់ចរាចរណ៍ អោយស្ថិតមកនៅកម្រិតទាប។ ជាមួយគ្នានោះដែរក្រុមការងារ បានចែកជូននូវសម្ភារៈ និងឯកសារផ្សព្វផ្សាយ មួយចំនួនមានដូចជា៖ -សៀវភៅច្បាប់ចរាចរណ៍ផ្លូវគោកចំនួន ១២០ក្បាល -សៀវភៅអ្វីដែលអ្នកបើកបរទោចក្រយាន យន្តត្រូវយល់ដឹងចំនួន ១២០នាក់ -ខិតបណ្ណអ្វីដែលអ្នកបើកបរត្រូវដឹងចំនួន ១២០សន្លឹក -ខិតបណ្ណប្រការសំខាន់ៗដែលត្រូវចងចាំចំ ពោះអ្នកប្រើប្រាស់ផ្លូវចំនួន ១២០សន្លឹក -ផ្ទាំងសញ្ញាសម្រាប់ថ្មើរជើងចំនួន ០៥ផ្ទាំង -ផ្ទាំងសញ្ញាការកំណត់ទំហំទ្រុងរថយន្ត និងការកំណត់ទំហំផ្ទុកទំនិញចំនួន ០៥ផ្ទាំង -ផ្ទាំងផ្លាកសញ្ញាចរាចរណ៍សំខាន់ៗចំនួន ០៥ផ្ទាំង -ផ្ទាំងសិទ្ធអាទិភាពនៅត្រង់ផ្លូវប្រសព្វចំនួន ០៥ផ្ទាំង -ស្ទីកឃ័រចំណាំងផ្លាតចំនួន ៣០០សន្លឹក -បិទចំណាំងផ្លាតគោយន្តកន្ត្រៃចំនួន ១៥០គ្រឿង៕