ស្ពានលេខ៣១ (ផ្លូវជាតិលេខ២១) ក្នុងឃុំព្រែកអំបិល ស្រុកស្អាង បានជួសជុលរួចរាល់ និងដាក់ឱ្យប្រជាពលរដ្ឋឆ្លងកាត់ជាប្រក្រតីឡើងវិញហើយ នៅព្រឹកថ្ងៃសុក្រ ទី១១ ខែមេសា ឆ្នាំ២០២៥នេះ ដោយមានការយកចិត្តទុកដាក់ខ្ពស់ពី ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្អាង ក្រុមការងារការដ្ឋាន និងអាជ្ញាធរមូលដ្ឋាន បានសហការគ្នាទាំងថ្ងៃទាំងយប់ ដើម្បីសម្រេចសមិទ្ធិផលមួយនេះសម្រួលការងារធ្វើដំណើរ និងដឹកជញ្ជូនកសិផលរបស់បងប្អូនប្រជាពលរដ្ឋនៅក្នុងតំបន់ និងដើម្បីអបអរសាទរបុណ្យចូលថ្មីប្រពៃណីជាតិខ្មែរ។ គូសបញ្ជាក់ផងដែរថា ស្ពានលេខ៣១ (ផ្លូវជាតិលេខ២១) ក្នុងឃុំព្រែកអំបិល ស្រុកស្អាង ខេត្តកណ្តាល មានសភាពចាស់ទ្រុឌទ្រោមខ្លាំង និងបាក់ស្រុតដោយរថយន្តធុនធ្ងន់ដឹកគ្រឿងចក្របើកបរកាត់ កាលពីថ្ងៃទី២៥ ខែមករា ឆ្នាំ២០២៥ និងត្រូវបានជួសជុលរួចរាល់ និងដាក់ឱ្យប្រជាពលរដ្ឋឆ្លងកាត់ជាប្រក្រតីឡើងវិញហើយ។សូមបងប្អូនប្រជាពលរដ្ឋធ្វើដំណើរប្រកបដោយសុវត្ថិភាព និងរួមគ្នាថែរក្សាសមិទ្ធផលនេះ ដើម្បីប្រើប្រាស់យូរអង្វែង៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube