តម្បាញសំពត់អាវតាមបែបប្រពៃណីរបស់ជនជាតិដើម គឺជាមុខរបរតពីដូនតារបស់ជនជាតិដើម នៅក្នុងខេត្តមណ្ឌលគិរី មុខរបរមួយនេះ មិនសូវមានអ្នកធ្វើច្រើនទេ ព្រោះមិនសូវមានអ្នកចេះត្បាញ ហើយវាត្រូវការពេលវេលាយូរទម្រាំនឹងត្បាញចេញបានជាសំពត់ អាវ ឬក្រមាមួយៗ ប៉ុន្តែមុខរបរនេះបែរជានៅតែពេញនិយម និងមិនព្រមបោះបង់ពីសំណាក់ប្រជាពលរដ្ឋដែលជាជនជាតិដើមភាគតិចពូនង មួយចំនួន នៅក្នុងខេត្តមណ្ឌលគិរី។ នេះក៏ដោយសារការស្រឡាញ់ ចង់ថែរក្សាវប្បធម៌ប្រពៃណីឱ្យក្មេងជំនាន់ក្រោយបានដឹង បានស្គាល់អំពីអត្តសញ្ញាណជនជាតិដើមភាគតិចពូនង កុំឱ្យបាត់បង់នៅថ្ងៃអនាគត និងដើម្បីជីវភាពគ្រួសារផង។ សូមជួយគាំទ្រទិញផលិតផលរបស់ជនជាតិដើមភាគតិចពូនង ដូចជា សំពត់ អាវ និងក្រមាអនុស្សាវរីយ៍ ដែលពួកគាត់សុទ្ធសឹងតែត្បាញចេញពីដៃផ្ទាល់ ដើម្បីឱ្យពួកគាត់បន្តមុខរបរតាមបែបប្រពៃណីនេះ និងជួយដោះស្រាយជីវភាពគ្រួសារបានផងដែរ៕ ប្រភពរូបភាពពី៖ Check in Mondulkiri