បាឋកថា អំពី “ប្រព្រឹត្ដកម្មទឹកកខ្វក់ពីរោងចក្រផលិតសំបកង់ឡាន វិធីសាស្រ្ដសាងសង់ប្រអប់ធ្នឹមស្ពានអាកាស នៅការដ្ឋានផ្ទាល់ និងការសិក្សាលើស្ថានភាពគ្រឿងបង្គុំនៃស្ពានចាស់ៗ ដោយប្រើប្រាស់ប្រព័ន្ធត្រួតពិនិត្យគុណភាពគ្រឿងបង្គុំ និងការជួសជុលឡើងវិញ ដើម្បីពង្រឹង និងធ្វើឱ្យមានភាពប្រសើរឡើងនៃស្ពាន” ទីស្តីការក្រសួង៖ នាថ្ងៃពុធ ទី២៦ ខែមីនា ឆ្នាំ២០២៥ ឯកឧត្ដម ប្រាងហង្ស សេរីរិទ្ធ នាយកវិទ្យាស្ថានតេជោសែន សាធារណការ និងដឹកជញ្ជូន បានអញ្ជើញជាអធិបតីក្នុងកម្មវិធីបាឋកថា លើប្រធានបទចំនួន ០៣ រួមមាន៖ “ប្រព្រឹត្ដកម្មទឹកកខ្វក់ពីរោងចក្រផលិតសំបកង់ឡាន វិធីសាស្រ្ដសាងសង់ប្រអប់ធ្នឹមស្ពានអាកាសនៅការដ្ឋានផ្ទាល់ និងការសិក្សាលើស្ថានភាពគ្រឿងបង្គុំ នៃស្ពានចាស់ៗ ដោយប្រើប្រាស់ប្រព័ន្ធត្រួតពិនិត្យគុណភាពគ្រឿងបង្គុំ និងការជួសជុលឡើងវិញ ដើម្បីពង្រឹង និងធ្វើឱ្យមានភាពប្រសើរឡើងនៃស្ពាន”។ កម្មវិធីបាឋកថានេះ ត្រូវបានរៀបចំឡើងដោយមានកិច្ចសហការពីសមាគមអតីតនិស្សិតខ្មែរ ផ្នែកវិស្វកម្ម និងស្ថាបត្យកម្មពីប្រទេសចិន ក្នុងគោលបំណងចែករំលែកចំណេះដឹង និងបទពិសោធន៍ថ្មីៗ ដែលវាគ្មិនកិត្ដិយសបានអនុវត្ដ និងទទួលបានពីការអនុវត្ដជាក់ស្ដែងក្នុងការដ្ឋាន និងកន្លែងការងារ។ ថ្លែងក្នុងកម្មវិធីនេះ ឯកឧត្ដមនាយកវិទ្យាស្ថាន បានថ្លែងអំណរគុណយ៉ាងជ្រាលជ្រៅផងដែរ ជូនចំពោះ ឯកឧត្ដមរដ្ឋមន្ដ្រី និងថ្នាក់ដឹកនាំក្រសួងគ្រប់លំដាប់ថ្នាក់ ដែលបានយកយ៉ាងខ្លាំងចំពោះការអភិវឌ្ឍមូលធនមនុស្ស ក្នុងវិស័យសាធារណការ ដឹកជញ្ជូន ភស្ដុភារកម្ម និងនាវាចរណ៍ និងបានលើកឡើងអំពីសារៈសំខាន់ និងភាពចាំបាច់នៃឯកទេស និងជំនាញរបស់វិទ្យាស្ថាន ក្នុងការចូលរួមចំណែកអភិវឌ្ឍសេដ្ឋកិច្ចជាតិ។ ទន្ទឹមនឹងនេះ ឯកឧត្ដមនាយកវិទ្យាស្ថាន ក៏បានថ្លែងអំណរគុណដល់សមាគមអតីតនិស្សិតខ្មែរ ផ្នែកវិស្វកម្ម និងស្ថាបត្យកម្មពីប្រទេសចិន ក៏ដូចជាដៃគូសហការពាក់ព័ន្ធផ្សេងទៀតរបស់វិទ្យាស្ថាន ដែលតែងតែគាំទ្រដល់សកម្មភាពនានារបស់វិទ្យាស្ថាន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube