កិច្ចប្រជុំប្រកាសសមាសភាពក្រុមការងាររៀបចំធ្វើវិសោធនកម្មសេចក្តីព្រាងច្បាប់ស្តីពីផ្លូវថ្នល់ ទីស្ដីការក្រសួង៖នាថ្ងៃចន្ទ ទី២៤ ខែមីនា ឆ្នាំ២០២៥ ឯកឧត្តម ប៉ាល់ ចន្ទតារា រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានក្រុមការងារ បានអញ្ជើញដឹកនាំកិច្ចប្រជុំប្រកាសសមាសភាពក្រុមការងាររៀបចំធ្វើវិសោធនកម្មសេចក្តីព្រាងច្បាប់ស្តីពីផ្លូវថ្នល់ ដោយមានការចូលរួមពីអនុប្រធាន និងសមាជិកនៃក្រុមការងារ និងលេខាធិការដ្ឋានជាច្រើនរូបផងដែរ។ ក្រុមការងារនេះ មានភារកិច្ច និងការទទួលខុសត្រូវ រួមមានដូចជា៖ ១). ដឹកនាំ និង/ឬផ្តល់គោលការណ៍ណែនាំដល់លេខាធិការដ្ឋាន ដើម្បីដាក់ជូនក្រុមការងារ ពិនិត្យ និងសម្រេច ២).ដឹកនាំកិច្ចប្រជុំផ្ទៃក្នុង និងកិច្ចប្រជុំពាក់ព័ន្ធ ដើម្បីពិនិត្យ ពិភាក្សា និងផ្តល់ការណែនាំបន្ថែម ឬសម្រេច ៣). សហការ និងសម្របសម្រួលជាមួយក្រសួង-ស្ថាប័ន និងដៃគូអភិវឌ្ឍន៍ពាក់ព័ន្ធ ដើម្បីជំរុញការរៀបចំ និងការឯកភាព ៤).រៀបចំរបាយការណ៍ជូន ឯកឧត្តមរដ្ឋមន្ត្រី ដើម្បីស្នើសុំអនុសាសន៍ណែនាំ និង តម្រូវការនានាពាក់ព័ន្ធនឹងនីតិវិធីនៃការរៀបចំយន្តការបន្ត ៥) គោរពជូនយោបល់ និងស្នើសុំការសម្រេចពី ឯកឧត្តមរដ្ឋមន្ត្រី ដើម្បីដឹកនាំកិច្ចប្រជុំពិនិត្យ ពិភាក្សា និងសម្រេច មុននឹងបន្តនីតិវិធីតាមយន្តការទីស្តីការគណៈរដ្ឋមន្ត្រី៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube