កិច្ចប្រជុំពិភាក្សាចែករំលែកបទពិសោធន៍លើការងាររៀបចំ MPWT Dashboard របស់ក្រសួងសាធារណការ និងដឹកជញ្ជូន ទីស្ដីការក្រសួង ៖ នាព្រឹកថ្ងៃព្រហស្បតិ៍ ទី២០ ខែមីនា ឆ្នាំ២០២៥ ឯកឧត្ដម នឹម សុធា អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាចែករំលែកបទពិសោធន៍លើការងាររៀបចំ MPWT Dashboard របស់ក្រសួងសាធារណការ និងដឹកជញ្ជូន ដល់ថ្នាក់ដឹកនាំ និងមន្រ្តីរាជការនៃអគ្គនាយកដ្ឋានភស្តុភារកម្ម ដោយមានការអញ្ជើញចូលរួមពីឯកឧត្ដមទីប្រឹក្សាក្រសួង លោកជំទាវអគ្គនាយកភស្ដុភាកម្ម លោកប្រធាននាយកដ្ឋាន និងមន្ត្រីបច្ចេកទេសជំនាញពាក់ព័ន្ធ។ កិច្ចប្រជុំរៀបចំឡើងក្នុងគោលបំណងចែករំលែកបទពិសោធន៍ការសិក្សាស្វែងយល់ និងពិភាក្សាអំពីការរៀបចំ Dashboard របស់ក្រុមការងារបច្ចេកទេសក្រសួង ជូនដល់អគ្គនាយកដ្ឋានភស្តុភារកម្ម ដើម្បីបានជាធាតុចូលក្នុងការត្រៀមរៀបចំ Logistics Dashboard សម្រាប់វិស័យភស្តុភារកម្ម ក្រោមជំនួយបច្ចេកទេសពីធនាគារពិភពលោកនាពេលខាងមុខ។ ទន្ទឹមនឹងនេះផងដែរ លោកជំទាវអគ្គនាយកបានស្នើពិនិត្យពិចារណាដាក់បញ្ចូលការងារមួយចំនួនដូចជា គម្រោង និងផែនទីសំខាន់ៗនៃផែនការមេគ្រប់ជ្រុងជ្រោយស្តីពី ប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣ - ២០៣៣ ចូលទៅក្នុង Dashboard របស់ក្រសួង ដើម្បីផ្តល់ភាពងាយស្រួលក្នុងការត្រួតពិនិត្យ និងវាយលើតម្លៃវឌ្ឍនភាពការងារឡូជីស្ទីក៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube