វេទិកាសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ នៅស្រុកអូររាំង ខេត្តមណ្ឌលគិរី មណ្ឌលគិរី៖ នាថ្ងៃសុក្រ ទី២១ ខែកុម្ភៈ ឆ្នាំ២០២៥ ឯកឧត្តម ជា ជុន និង ឯកឧត្តម លឹម គង់ អនុប្រធានក្រុមការងារចុះមូលដ្ឋានស្រុកអូររាំង ខេត្តមណ្ឌលគិរី បានអញ្ជើញជាអធិបតីក្នុងវេទិកាសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ នៅក្រុមទួលស្វាយ ភូមិពូឡេ ឃុំដាក់ដាំ ស្រុកអូររាំង ខេត្តមណ្ឌលគិរី ដោយមានការអញ្ជើញចូលរួមពីអភិបាលរងខេត្ត សមាជិកក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី តំណាងមន្ទីរជុំវិញខេត្តពាក់ព័ន្ធ អភិបាលស្រុកអូរាំង អាជ្ញាធរមូលដ្ឋាន និងបងប្អូនខ្មែរឥស្លាម ប្រមាណ ១០០នាក់។ ក្រោមការដឹកនាំ និងសម្របសម្រួលពីឯកឧត្តមអនុប្រធាន វេទិកានេះបានជជែកពិភាក្សាយ៉ាងផុលផុសលើការឆ្លើយតប និងស្វែងរកដំណោះស្រាយជូនប្រជាពលរដ្ឋមូលដ្ឋាន ក៏ដូចជាផ្សព្វផ្សាយគោលនយោបាយ និងសមិទ្ធផលសំខាន់ៗរបស់រាជរដ្ឋាភិបាល ដែលសម្រេចបាន និងកំពុងអនុវត្ត ដើម្បីឱ្យប្រជាពលរដ្ឋបានជ្រាបច្បាស់៕