កិច្ចប្រជុំពិភាក្សាលើសមិទ្ធិលទ្ធភាព គម្រោងសាងសង់ហេដ្ឋារចនាសម្ព័ន្ធគាំទ្រ នៃគម្រោងគ្រប់គ្រងធនធានចម្រុះហ្វូណនតេជោ និងគម្រោងនានាស្ថិតក្នុងបញ្ជីបច្ចុប្បន្នកម្ម បេក្ខភាពគម្រោងអភិវឌ្ឍន៍ហេដ្ឋារចនាសម្ព័ន្ធ សម្រាប់រយៈពេល ៥ឆ្នាំ (២០២៥-២០២៩) ទីស្តីការក្រសួង៖ នាព្រឹកថ្ងៃព្រហស្បតិ៍ ទី២០ ខែកុម្ភៈ ឆ្នាំ២០២៥ ឯកឧត្តម ចាន់ តារា អនុរដ្ឋលេខាធិការ និងជាប្រធានក្រុមការងារសម្របសម្រួលផ្នែកផែនការអភិវឌ្ឍគម្រោងហេដ្ឋារចនាសម្ព័ន្ធ នៃក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាលើសមិទ្ធិលទ្ធភាព គម្រោងសាងសង់ហេដ្ឋារចនាសម្ព័ន្ធគាំទ្រ នៃគម្រោងគ្រប់គ្រងធនធានចម្រុះហ្វូណនតេជោ និងគម្រោងនានាស្ថិតក្នុងបញ្ជីបច្ចុប្បន្នកម្ម បេក្ខភាពគម្រោងអភិវឌ្ឍន៍ហេដ្ឋារចនាសម្ព័ន្ធ សម្រាប់រយៈពេល ៥ឆ្នាំ (២០២៥-២០២៩) ក្រោមក្របខ័ណ្ឌឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន ដោយមានការអញ្ជើញចូលរួម ពីឯកឧត្តម-លោកជំទាវជាថ្នាក់ដឹកនាំក្រសួង លោក-លោកស្រីថ្នាក់ដឹកនាំអគ្គនាយកដ្ឋានពាក់ព័ន្ធក្រោមឱវាទក្រសួង និងមន្ត្រីជំនាញបច្ចេកទេសជាច្រើនរូប។ កិច្ចប្រជុំនេះ រៀបចំឡើងក្នុងគោលបំណង ដើម្បីផ្សព្វផ្សាយជូនគ្រប់អគ្គនាយកដ្ឋានជំនាញពាក់ព័ន្ធក្រោមឱវាទក្រសួង នូវខ្លឹមសារលិខិតលេខ៩៥០ សហវ.លស.អសប. ចុះថ្ងៃទី៧ ខែកុម្ភៈ ឆ្នាំ២០២៥ របស់ក្រសួងសេដ្ឋកិច្ច និងហិរញ្ញវត្ថុ ស្តីពីការស្នើសុំចាត់ចែងធ្វើការសិក្សាសមិទ្ធិលទ្ធភាពគម្រោងសាងសង់ហេដ្ឋារចនាសម្ព័ន្ធគាំទ្រ នៃគម្រោងគ្រប់គ្រងធនធានចម្រុះហ្វូណនតេជោ និងគម្រោងនានាស្ថិតក្នុងបញ្ជីបច្ចុប្បន្នកម្មបេក្ខភាពគម្រោងអភិវឌ្ឍន៍ហេដ្ឋារចនាសម្ព័ន្ធ សម្រាប់រយៈពេល៥ឆ្នាំ (២០២៥-២០២៩) ឱ្យបានទាន់ពេលវេលាតាមផែនការដែលបានគ្រោងទុក និងប្រកបដោយប្រសិទ្ធភាព៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube