កិច្ចប្រជុំផ្សព្វផ្សាយលទ្ធផលសន្និបាតគណ:កម្មាធិការកណ្តាលលើកទី ៤៥ អាណត្តិទី ៥ របស់គណបក្សប្រជាជនកម្ពុជា នៅព្រឹកថ្ងៃសៅរ៍ ទី១៥ ខែកុម្ភៈ ឆ្នាំ២០២៥ នេះ នៅសាលប្រជុំទីស្នាក់ការគណបក្សស្រុកស្អាង ខេត្តកណ្តាល ឯកឧត្តម សួន រចនា សមាជិកគណ:កម្មាធិការកណ្តាល អនុប្រធានក្រុមការងារគណបក្សចុះមូលដ្ឋានស្រុកស្អាង តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា សមាជិកគណៈអចិន្ត្រៃយ៍គណៈកម្មាធិការកណ្ដាល និងជាប្រធានគណៈអចិន្ត្រៃយ៍ក្រុមការងារគណបក្សចុះមូលដ្ឋានស្រុក ស្រុកស្អាង និងស្រុកកោះធំ បានអញ្ជើញជាអធិបតី ក្នុងកិច្ចប្រជុំផ្សព្វផ្សាយលទ្ធផលសន្និបាតគណ:កម្មាធិការកណ្តាលលើកទី ៤៥ អាណត្តិទី ៥ របស់គណបក្សប្រជាជនកម្ពុជា កាលពីថ្ងៃទី ២៥ -២៦ ខែ មករា ឆ្នាំ២០២៥ ។ អង្គប្រជុំបានជម្រាបជូននូវរបាយការណ៍ ស្តីពីសភាពការណ៍ទូទៅ និងការងារគណបក្ស ឆ្នាំ២០២៤ និងទិសដៅឆ្នាំ២០២៥ របស់គណបក្សប្រជាជនម្ពុជា ដោយបានបង្ហាញនូវលទ្ធផលជោគជ័យសំខាន់ៗជាច្រើន ដែល គណបក្សប្រជាជនកម្ពុជាសម្រេចបានក្នុងការបម្រើជាតិ និងមាតុភូមិ ពិសេសបានធ្វើការកសាង និងអភិវឌ្ឍប្រទេសជាតិឱ្យកាន់តែរីកចម្រើន។ ក្នុងឱកាសនោះដែរ ឯកឧត្តម គណ:អធិបតី បានពាំនាំអនុសាសន៍របស់ ឯកឧត្តមប្រធានបានណែនាំ និងអំពាវនាវដល់បងប្អូនទាំងអស់សូមបន្តរួមសាមគ្គីគ្នាជាធ្លុងមួយ ដើម្បីសម្រេចសមិទ្ធផលធំៗថ្មីៗទៀតក្នុងការកសាង និងការពារមាតុភូមិកម្ពុជា ឆ្ពោះទៅរកអនាគតដ៏រុងរឿងលើមាគ៌ាសន្តិភាព ប្រជាធិបតេយ្យ នីតិរដ្ឋ និងអភិវឌ្ឍន៍ និងសូមឱ្យគ្រប់ឃុំទាំអស់សហការជាមួយក្រុមការងារថ្នាក់កណ្តាល ដើម្បីធ្វើការផ្សព្វផ្សាយបន្តតាមឃុំនីមួយៗ៕