កិច្ចប្រជុំស្តីពី ការពិនិត្យដោះស្រាយលើបញ្ហាពាក់ព័ន្ធនឹង អន្តរកាល នៃការផ្ទេរការប្រើប្រាសើពីអាកាសយានដ្ឋានអន្តរ ជាតិភ្នំពេញ ទៅអាកាសយានដ្ឋានអន្តរជាតិតេជោ មជ្ឈ មណ្ឌលឡូជីស្លឹកនៅអាកាសយានដ្ឋានតេជោ និងហេដ្ឋា រចនាសម្ព័ន្ធផ្នែកទន់ ទីស្តីការក្រសួង ៖ នាថ្ងៃព្រហស្បតិ៍ ទី១៣ ខែកុម្ភ: ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងកិច្ចប្រជុំបន្តដើម្បីពិនិត្យ និងផ្តល់ព័ត៌មានពាក់ព័ន្ធនឹងការដោះស្រាយបញ្ហាប្រឈម និងកង្វល់ របស់សភាពាណិជ្ជកម្មអឺរ៉ុបនៅកម្ពុជា ពាក់ព័ន្ធនឹងអន្តរកាលនៃការផ្ទេរការប្រើប្រាស់ពីអាកាសយានដ្ឋានអន្តរជាតិភ្នំពេញទៅអាកាសយានដ្ឋានអន្តរជាតិតេជោ មជ្ឈមណ្ឌលឡូជីស្ទីក នៅអាកាសយានដ្ឋានអន្តរជាតិតេជោ និងហេដ្ឋារចនាសម្ព័ន្ធផ្នែកទន់ ដោយមានការអញ្ជើញចូលរួមពី តំណាងគណៈអភិបាលរាជធានីភ្នំពេញ តំណាងសភាពាណិជ្ជកម្មអឺរ៉ុបនៅកម្ពុជា តំណាងអគ្គនាយកដ្ឋានគយ និងរដ្ឋករកម្ពុជា តំណាងក្រុមហ៊ុនអភិវឌ្ឍន៍អាកាសយានដ្ឋានអន្តរជាតិភ្នំពេញ តំណាងអាកាសយានដ្ឋានអន្តរជាតិតេជោ និងមន្ត្រីជំនាញពាក់ព័ន្ធជាច្រើនរូបផងដែរ។ គោលបំណងសំខាន់ នៃកិច្ចប្រជុំពិភាក្សាថ្ងៃនេះ គឺដើម្បីដោះស្រាយបញ្ហាប្រឈម និងកង្វល់ របស់សភាពាណិជ្ជកម្មអឺរ៉ុបនៅកម្ពុជា ពាក់ព័ន្ធនឹងអន្តរកាលនៃការផ្ទេរការប្រើប្រាស់ពីអាកាស យានដ្ឋានអន្តរជាតិភ្នំពេញទៅអាកាសយានដ្ឋានអន្តរជាតិតេជោ មជ្ឈមណ្ឌលឡូជីស្ទីក នៅអាកាសយានដ្ឋានអន្តរជាតិតេជោ និងហេដ្ឋារចនាសម្ព័ន្ធផ្នែកទន់ឱ្យកាន់តែមានប្រសិទ្ធភាពខ្ពស់បន្ថែមទៀត។ សូមជម្រាបជូនផងដែរថា នេះជាកិច្ចប្រជុំពិភាក្សាបន្តជាលើកទី២ ដើម្បីពិនិត្យ និងផ្តល់ព័ត៌មានពាក់ព័ន្ធនឹងការដោះស្រាយបញ្ហាប្រឈម និងកង្វល់ របស់សភាពាណិជ្ជកម្មអឺរ៉ុបនៅកម្ពុជា ពាក់ព័ន្ធនឹងអន្តរកាលនៃការផ្ទេរការប្រើប្រាស់ពីអាកាស យានដ្ឋានអន្តរជាតិភ្នំពេញទៅអាកាសយានដ្ឋានអន្តរជាតិតេជោ មជ្ឈមណ្ឌលឡូជីស្លឹក នៅអាកាសយានដ្ឋានអន្តរជាតិតេជោ និងហេដ្ឋារចនាសម្ព័ន្ធផ្នែកទន់ ដែលកិច្ចប្រជុំពិភាក្សាលើកទី១ បានប្រព្រឹត្តិទៅកាលពីថ្ងៃទី៧ ខែកុម្ភៈ ឆ្នាំ២០២៥ ម្តងរួចមកហើយ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube