គណ:ប្រតិភូក្រសួង និងតំណាងប្រធានធនាគារពិភពលោកប្រចាំប្រទេសកម្ពុជា ចុះទស្សនកិច្ចការងារគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ ខេត្តសៀមរាប៖ នាថ្ងៃព្រហស្បតិ៍ ទី៦ ខែកុម្ភៈ ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូ និងក្រុមការងារធនាគារពិភពលោក(WB) ដឹកនាំដោយលោកស្រី Tania Meyer ប្រធានធនាគារពិភពលោកប្រចាំប្រទេសកម្ពុជា បានចុះទស្សនកិច្ចការងារគម្រោងលើកកម្ពស់ការផ្គត់ផ្គង់ទឹកស្អាត និងអនាម័យនៅកម្ពុជា ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក ថ្នាក់ដឹកនាំ និងមន្ត្រីនៃអគ្គនាយកដ្ឋានប្រព័ន្ធចម្រោះទឹកកខ្វក់ តំណាងក្រុមហ៊ុនសាងសង់ តំណាងក្រុមហ៊ុនទីប្រឹក្សា មន្ទីរសាធារណការ និងដឹកជញ្ជូនខេត្តសៀមរាប ក្រុមការងារគម្រោង និងអាជ្ញាធរមូលដ្ឋាន។ គោលបំណងនៃដំណើរបេសកកម្មនេះគឺដើម្បីសិក្សាស្វែងយល់ពីការងារគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ដែលបានទទួលហិរញ្ញប្បទានសម្បទានពីធនាគារពិភពលោក និងថវិកាបដិភាគរបស់រាជរដ្ឋាភិបាលកម្ពុជា។ គណ:ប្រតិភូបានអញ្ជើញចុះពិនិត្យដោយផ្ទាល់នៅស្ថានីយបូមទឹកសាលាកន្សែង ស្ថានីយចម្រោះទឹកកខ្វក់ក្រុងសៀមរាប និងចុះត្រួតពិនិត្យតាមការដ្ឋានដែលកំពុងសាងសង់ និងតាមខ្នងផ្ទះប្រជាពលរដ្ឋផងដែរ។ ក្រោយពីបានចុះទស្សនកិច្ចត្រួតពិនិត្យការងាររួចមក លោកស្រីនាយិកាក៏បានសម្តែងនូវការពេញចិត្តសម្រាប់គម្រោងដែលយើងកំពុងដំណើរការសាងសង់នេះ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube