ដំឡើងរបាំងចែកទ្រូងផ្លូវលើមហាវិថីសម្តេចតេជោ (ផ្លូវ៦០ម៉ែត្រ) ដើម្បីបង្កើនសុវត្ថិភាពចរាចរណ៍ នៅព្រឹកថ្ងៃទី ៦ ខែកុម្ភៈ ឆ្នាំ២០២៥ មហាវិថីសម្តេចអគ្គមហាសេនាបតីតេជោ ហ៊ុន សែន (ផ្លូវ ៦០ម៉ែត្រ) បានចាប់ផ្តើមដំឡើងរបាំងទ្រូងផ្លូវ ដូចខាងក្រោម៖ ១). ដំឡើងរបាំងដែកទ្រូងផ្លូវ ចាប់ពីស្ពានអាកាសមរតកតេជោ ដល់ភ្លើងស្តុបប្រសព្វមហាវិថីអ្នកឧកញ៉ាមហាភក្តីសប្បុរសភោគាធិបតី ហ៊ុន នាង ដោយកំណាត់ផ្លូវនេះ កំណត់ល្បឿនអតិបរមា ៤០ គ.ម/ម៉ោង ២). ដំឡើងរបាំងបេតុងទ្រូងផ្លូវ ចាប់ពីមហាវិថីអ្នកឧកញ៉ាមហាភក្តីសប្បុរសភោគាធិបតី ហ៊ុន នាង ដល់ផ្លូវជាតិលេខ ២ដោយកំណាត់ផ្លូវនេះដែរ កំណត់ល្បឿនអតិបរមា ៦០ គ.ម/ម៉ោង។ មហាវិថីនេះ ក៏បានអ៊ុតគំនូសចរាចរណ៍ ដោយគូសគំនូសបែកចែកគន្លងរថយន្ត គន្លងទោចក្រយានយន្ត ព្រមទាំងដំឡើងស្លាកសញ្ញាចរាចរណ៍បន្ថែមផងដែរ។ សូមចូលរួមគោរពច្បាប់ចរាចរផ្លូវគោក និងគោរពតាមល្បឿនកំណត់ ដើម្បីសុវត្ថិភាពក្នុងការធ្វើដំណើរតាមដងផ្លូវ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube