ក្រសួងសាធារណការ ប្រជុំពិភាក្សាស្វែងយល់បទពិសោធន៍ ជាមួយក្រុមហ៊ុនឯកទេសសាងសង់ស្ពានដែក របស់អេស្ប៉ាញ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន នារសៀលថ្ងៃទី២៩ ខែមករា ឆ្នាំ២០២៥ បានអញ្ជើញដឹកនាំកិច្ចប្រជុំក្រុមការងារជំនាញ ជាមួយក្រុមហ៊ុន CENTUNION មកពីប្រទេសអេស្ប៉ាញ ដែលមានឯកទេសក្នុងការសាងសង់ស្ពានដែក។ កិច្ចប្រជុំនេះត្រូវបានរៀបចំឡើង ក្នុងគោលបំណង ដើម្បីស្វែងយល់ពីបទពិសោធន៍ និងបច្ចេកទេសក្នុងការសាងសង់សំណង់អំពីគ្រឿងបង្គុំដែក របស់ក្រុមហ៊ុន CENTUNION ដែលជាក្រុមហ៊ុនឈានមុខមួយ មកពីប្រទេសអេស្ប៉ាញ។ បើតាមក្រសួងសាធារណការ CENTUNION ជាក្រុមហ៊ុន មានបទពិសោធន៍លើគម្រោងទ្វេភាគី ដែលផ្ដល់ហិរញ្ញប្បទានដោយប្រទេសអេស្ប៉ាញ ក្នុងនោះក្រុមហ៊ុនកំពុងមានសហប្រតិបត្តិការជាមួយដៃគូក្នុងតំបន់ដូចជា ប្រទេសឥណ្ឌូនេស៊ី ស្រីលង្កា និងហ្វីលីពីន ផងដែរ៕