ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញចូលរួមកិច្ចប្រជុំគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ ដើម្បីពិភាក្សាលើសេចក្តីព្រាងយុទ្ធសាស្រ្តស្តីពីការ កែទម្រង់ការគ្រប់គ្រងសហគ្រាសសាធារណៈ ឆ្នាំ២០២៥-២០៣០ ទីស្តីការក្រសួងសេដ្ឋកិច្ច និងហិរញ្ញវត្ថុ៖ នាព្រឹកថ្ងៃពុធ ទី២៥ ខែធ្នូ ឆ្នាំ២០២៤ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូនបានអញ្ជើញចូលរួមកិច្ចប្រជុំគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ ដើម្បីពិភាក្សាលើសេចក្តីព្រាង យុទ្ធសាស្រ្ត ស្តីពីការកែទម្រង់ការគ្រប់គ្រងសហគ្រាសសាធារណៈ ឆ្នាំ២០២៥-២០៣០ ក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពី ឯកឧត្តម លោកជំទាវ ដែលជាថ្នាក់ដឹកនាំក្រសួង និងអន្តរក្រសួងពាក់ព័ន្ធផងដែរ។ កិច្ចប្រជុំនាព្រឹកនេះមានគោលបំណងពិនិត្យ និងពិភាក្សាលើសេចក្តីព្រាងយុទ្ធសាស្រ្ត ស្តីពីការកែទម្រង់ការគ្រប់គ្រងសហគ្រាសសាធារណៈ ឆ្នាំ២០២៥-២០៣០ លើចំណុចសំខាន់ៗ ដូចជា ការពង្រឹងតួនាទី និងការចូលរួមរបស់សហគ្រាសសាធារណៈ ជាមួយរាជរដ្ឋាភិបាល ការធ្វើកំណែទម្រង់ស្ថាប័ន និងរបៀបរបបនៃការគ្រប់គ្រង ជាយុទ្ធសាស្រ្តរយៈពេលវែង និងគ្រប់ជ្រុងជ្រោយ ការអនុវត្តគោលនយោបាយ និងការវិនិយោគជាយុទ្ធសាស្ត្រ ការបំពេញបន្ថែមលើភាពចន្លោះប្រហោងនៃយន្តការទីផ្សារ និងការបង្កើតការងារជូនប្រជាពលរដ្ឋ ការកំណត់ត្រីវិស័យសម្រាប់ពង្រឹងអភិបាលកិច្ចសាជីវកម្មនៃសហគ្រាសសាធារណៈ និងការអនុញ្ញាតឱ្យសហគ្រាសសាធារណៈធ្វើអាជីវកម្ម គ្រប់ជ្រុងជ្រោយនៅក្នុងការកែទម្រង់សហគ្រាសសាធារណៈឱ្យមានភាពទំនើប៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube