កិច្ចប្រជុំក្រុមប្រឹក្សាភិបាល នៃមន្ទីរពិសោធន៍សំណង់ និងសាធារណការ អាណត្តិទី៦ លើកទី៤ ទីស្តីការក្រសួង៖ នាថ្ងៃអង្គារ ទី២៤ ខែធ្នូ ឆ្នាំ២០២៤ លោកជំទាវ ឥម នីថារ៉ា រដ្ឋលេខាធិការ និងជាប្រធានក្រុមប្រឹក្សាភិបាល មន្ទីរពិសោធន៍សំណង់ និងសាធារណការ បានអញ្ជើញដឹកនាំកិច្ចប្រជុំក្រុមប្រឹក្សាភិបាល នៃមន្ទីរពិសោធន៍សំណង់ និងសាធារណការ អាណត្តិទី៦ លើកទី៤ ដោយមានការចូលរួមពីសមាជិកក្រុមប្រឹក្សាភិបាល ដែលជាតំណាងមកពីក្រសួងស្ថាប័នពាក់ព័ន្ធ។ កិច្ចប្រជុំនេះត្រូវបានធ្វើឡើងដោយផ្តោតសំខាន់ទៅលើរបៀបវារៈចំនួន៣ រួមមាន៖ ១).ពិនិត្យ និងអនុម័តលើពង្រាងផែនការហិរញ្ញវត្ថុ និងវិនិយោគ ឆ្នាំ២០២៥ ២). ពិនិត្យ អនុម័តលើរបាយការណ៍អនុវត្តន៍ការងារអាជីវកម្ម-សេវាកម្ម និងការងារវិនិយោគរយៈពេល៩ខែ ឆ្នាំ២០២៤ របស់មន្ទីរពិសោធន៍សំណង់ និងសាធារណការ (មពសស) និង ៣).បញ្ហាផ្សេងៗ។ បន្ទាប់ពីបានពិនិត្យ និងពិភាក្សាយ៉ាងផុសផុល អង្គប្រជុំក្រុមប្រឹក្សាភិបាល មពសស បានអនុម័តទាំងស្រុងលើពង្រាងផែនការហិរញ្ញវត្ថុ និងវិនិយោគ ឆ្នាំ២០២៥ និងបានអនុម័តលើរបាយការណ៍អនុវត្តន៍ការងារអាជីវកម្ម-សេវាកម្ម និងការងារវិនិយោគរយៈពេល៩ខែ ឆ្នាំ២០២៤ របស់មន្ទីរពិសោធន៍សំណង់ និងសាធារណការ (មពសស) ។ ទន្ទឹមនឹងនេះដែរ មន្ទីរពិសោធន៍សំណង់ និងសាធារណការ (មពសស) បានគោរពនូវរាល់គោលការណ៍ និងកាតព្វកិច្ចជាសហគ្រាសសាធារណៈ ដោយបានប្រមូលពន្ធអាករលើតម្លៃបន្ថែម (VAT) ពីអតិថិជន និងពន្ធអាករផ្សេងៗ ជាច្រើនទៀតបង់ចូលថវិការដ្ឋយ៉ាងត្រឹមត្រូវ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube