កិច្ចប្រជុំពិភាក្សាប្រចាំខែ របស់គណ:កម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត ទីស្តីការក្រសួង៖ នាព្រឹកថ្ងៃសុក្រ ទី២៩ ខែ វិច្ឆិកា ឆ្នាំ២០២៤ លោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន និងជាប្រធានគណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត បានអញ្ជើញដឹកនាំកិច្ចប្រជុំពិភាក្សា ប្រចាំខែវិច្ឆិកា ឆ្នាំ២០២៤ ស្ដីពី "វឌ្ឍនភាពការងាររបស់គណ:កម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត” ដោយមានការចូលរួមពី ឯកឧត្តម លោក លោកស្រី ជាអនុប្រធាន ទីប្រឹក្សា និងជាសមាជិកគណៈកម្មការអន្តរក្រសួង ផងដែរ។ កិច្ចប្រជុំនេះ បានរៀបចំឡើង ដើម្បីពិនិត្យរបាយការណ៍លទ្ធផលការងារ ដែលសមាជិក សមាជិកាគណៈកម្មការអន្តរក្រសួង បានអនុវត្តកន្លងមក យកមកវិភាគលើបញ្ហាប្រឈម និងស្វែងរកដំណោះស្រាយ ព្រមទាំងលើកទិសដៅការងារបន្តសម្រាប់ឆ្នាំថ្មី ២០២៥ សំដៅធ្វើឱ្យការងារគ្រប់គ្រងការលក់លេខចុះបញ្ជីរថយន្ត កាន់តែមានភាពល្អប្រសើរឡើង ក៏ដូចជាការរួមចំណែកក្នុងការប្រមូលចំណូលជូនជាតិផងដែរ ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube