កិច្ចប្រជុំពិភាក្សាការងារជាមួយអង្គការបូដាកម្ពុជា ស្តីពីការអភិវឌ្ឍវិស័យទឹកស្អាត អនាម័យ និងហេដ្ឋារចនាសម្ព័ន្ធធន់នឹងបម្រែបម្រួលអាកាសធាតុក្នុងប្រទេសកម្ពុជា ទីស្ដីការក្រសួង៖ នាថ្ងៃព្រហស្បតិ៍ ទី៧ ខែវិច្ឆិកា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអនុញ្ញាតឱ្យតំណាងអង្គការបូដាកម្ពុជា ដែលដឹកនាំដោយ លោក Alex Miller ប្រធានអង្គការបូដាប្រចាំតំបន់អាស៊ីអាគ្នេយ៍ ចូលជួបសម្ដែងការគួរសម និងពិភាក្សាការងារស្ដីពីការអភិវឌ្ឍវិស័យទឹកស្អាត អនាម័យ និងហេដ្ឋារចនាសម្ព័ន្ធធន់នឹងបម្រែបម្រួលអាកាសធាតុក្នុងប្រទេសកម្ពុជា ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក ថ្នាក់ដឹកនាំ និងមន្ត្រីនៃអគ្គនាយកដ្ឋានប្រព័ន្ធចម្រោះទឹកកខ្វក់ ព្រមទាំងក្រុមការងារនៃអង្គការបូដាកម្ពុជា។ កិច្ចប្រជុំនេះធ្វើឡើងដើម្បីស្ដាប់ការធ្វើបទបង្ហាញពីវឌ្ឍនភាព និងលទ្ធផលសម្រេចបានរបស់អង្គការបូដាកម្ពុជា ឆ្នាំ២០២៤ និងគម្រោងផែនការរបស់អង្គការបូដាកម្ពុជា ក្រោមការផ្តល់ជំនួយពី BMZ និងផែនការយុទ្ធសាស្ត្ររបស់ក្រសួងសាធារណការ និងដឹកជញ្ជូន ព្រមទាំងផែនការយុទ្ធសាស្ត្រថ្នាក់ជាតិឆ្នាំ(២០២៥-២០២៨) ដើម្បីផ្ដល់ការគាំទ្រអង្គការបូដាកម្ពុជាក្នុងការអភិវឌ្ឍស្តង់ដាបច្ចេកទេស និងការរចនាប្លង់បច្ចេកទេស និងតម្រូវការអភិវឌ្ឍសមត្ថភាព ដើម្បីផ្ដល់ការគាំទ្រក្រុមការងារបច្ចេកទេសរបស់ក្រសួង ក្នុងការបង្កើតបទបញ្ញត្តិ គោលនយោបាយ និងគោលការណ៍ណែនាំសម្រាប់ដំណោះស្រាយទឹកស្អាត អនាម័យ និងហេដ្ឋារចនាសម្ព័ន្ធធន់នឹងបម្រែបម្រួលអាកាសធាតុក្នុងទីក្រុង និងតំបន់ជុំវិញទីក្រុង។ ជាលទ្ធផលនៃកិច្ចប្រជុំ ក្រសួង និងអង្គការបូដាកម្ពុជាបានឯកភាពគ្នានូវចំណុចមួយចំនួន និងយកសំណូមពរទាំងអស់ទៅពិចារណាក្នុងការបង្កើតក្រុមការងាររបស់អគ្គនាយកដ្ឋាន ដើម្បីទំនាក់ទំនងការងារជាមួយក្រុមការងាររបស់អង្គការបូដាកម្ពុជា ។ បន្ថែមពីនេះឯកឧត្ដមរដ្ឋលេខាធិការបានសំណូមពរដល់អង្គការបូដាកម្ពុជាជួយរៀបចំឯកសារបទដ្ឋានគតិយុទ្ធដែលពាក់ព័ន្ធច្បាប់ទឹកកខ្វក់ ដូចជាអនុក្រឹត្យ សេចក្តីប្រកាសផ្សេងៗ ការរៀបចំលិខិតបទដ្ឋានគតិយុត្តិ បច្ចេកទេសពាក់ព័ន្ធវិស័យទឹកកខ្វក់ និងជួយបណ្តុះបណ្តាល ពង្រឹងសមត្ថភាពមន្ត្រីលើវិស័យទឹកកខ្វក់ផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube