ឯកឧត្តម ឈួន វិន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី អញ្ជើញដឹកនាំកិច្ចប្រជុំពិនិត្យពិភាក្សា និងជំរុញការងារដោះស្រាយបញ្ហាប្រឈមនៅក្នុងវេទិកាសាធារណៈ ក្នុងខេត្តមណ្ឌលគិរី ភ្នំពេញ៖ នាព្រឹកថ្ងៃសុក្រ ទី២៥ ខែតុលា ឆ្នាំ២០២៤ ឯកឧត្តម ឈួន វិន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី បានអញ្ជើញដឹកនាំកិច្ចប្រជុំពិនិត្យពិភាក្សា និងជំរុញការងារដោះស្រាយបញ្ហាប្រឈមនៅក្នុងវេទិកាសាធារណៈ ពាក់ព័ន្ធវិស័យដែលបានលើកឡើងច្រើន ក្នុងខេត្តមណ្ឌលគិរី ដោយមានការចូលរួមពី អនុប្រធានក្រុមការងារ តំណាងបណ្តាក្រសួង ស្ថាប័នពាក់ព័ន្ធ លេខាធិការដ្ឋាននៃក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី ប្រធានមន្ទីរ និងអនុប្រធានមន្ទីរ នៃខេត្តមណ្ឌលគិរី។ កិច្ចប្រជុំនេះមានគោលបំណងពិនិត្យ ពិភាក្សា លើបញ្ហាប្រឈមនានាដែលអាចចូលរួមដោះស្រាយបានដែលបានលើកឡើងក្នុងវេទិកាសាធារណៈ និងដើម្បីពិនិត្យវឌ្ឍនភាពការងារសម្រាប់ត្រៀមបូកសរុបលទ្ធផលការងារប្រចាំឆ្នាំ និងរៀបចំទិសដៅអនុវត្តការងារបន្តសំដៅធ្វើយ៉ាងណាឱ្យការងារកំពុងអនុវត្ត និងត្រៀមអនុវត្តកាន់តែមានប្រសិទ្ធភាពថែមទៀត ក្នុងការគាំទ្រការអនុវត្តកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧៕