កិច្ចប្រជុំពិភាក្សាអំពីលទ្ធផលរបាយការណ៍សវនកម្មលើរបាយការណ៍ហិរញ្ញវត្ថុរបស់ក្រសួងសាធារណការ និងដឹកជញ្ជូន សម្រាប់ការិយបរិច្ឆេទ ២០២៣ ទីស្ដីការក្រសួង៖ នារសៀលថ្ងៃព្រហស្បតិ៍ ទី១៩ ខែកញ្ញា ឆ្នាំ២០២៤ មានការរៀបចំកិច្ចប្រជុំពិភាក្សាអំពីលទ្ធផលរបាយការណ៍សវនកម្មលើរបាយការណ៍ហិរញ្ញវត្ថុរបស់ក្រសួងសាធារណការ និងដឹកជញ្ជូន សម្រាប់ការិយបរិច្ឆេទ ២០២៣ រវាងក្រសួងសាធារណការ និងដឹកជញ្ជូន និងអាជ្ញាធរសវនកម្មជាតិ ដឹកនាំដោយឯកឧត្តម កែន រដ្ឋា អគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ និងឯកឧត្តម ឡុង អាទិច្ចបូរា អគ្គលេខាធិការនៃអាជ្ញាធរសវនកម្មជាតិ ដោយមានការចូលរួមពីថ្នាក់ដឹកនាំ និងមន្រ្តីជំនាញទទួលបន្ទុកការងារពាក់ព័ន្ធ។ ជារួម របាយការណ៍ហិរញ្ញវត្ថុរបស់រដ្ឋបាលកណ្តាលរបស់ក្រសួងសាធារណការ និងដឹកជញ្ជូន សម្រាប់ការិយបរិច្ឆទ ២០២៣ ត្រូវបានវាយតម្លៃថាបានរៀបចំគ្រប់ទិដ្ឋភាពជាសារវន្តស្របតាមច្បាប់ស្តីពីប្រព័ន្ធហិរញ្ញវត្ថុសាធារណៈ និងក្របខណ្ឌគោលការណ៍គណនេយ្យរបស់រាជរដ្ឋាភិបាលកម្ពុជា។ ជាមួយគ្នានោះកិច្ចប្រជុំក៏បានពិភាក្សានូវចំណុចមួយចំនួន ដើម្បីកែលម្អការអនុវត្តការងាររបស់អង្គភាពជំនាញក្រោមឱវាទក្រសួងឱ្យកាន់តែមានប្រសិទ្ធភាពបន្ថែមទៀតនៅក្នុងការិយបរិច្ឆេទបន្ទាប់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube