កិច្ចប្រជុំប្រចាំខែសីហា និងពិភាក្សាការងារផ្ទៃក្នុងរបស់វិទ្យាស្ថានតេជោសែន សាធារណការ និងដឹកជញ្ជូន ទីស្ដីការក្រសួង៖ នាព្រឹកថ្ងៃទី០២ ខែកញ្ញា ឆ្នាំ២០២៤ ឯកឧត្ដម ឡាវ វ៉ាន់ រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំប្រចាំខែសីហា និងពិភាក្សាការងារផ្ទៃក្នុង របស់វិទ្យាស្ថានតេជោសែន សាធារណការ និងដឹកជញ្ជូន ដោយមានការចូលរួមពីសំណាក់ ឯកឧត្ដមអនុរដ្ឋលេខាធិការ ឯកឧត្ដមនាយកវិទ្យាស្ថាន និងថ្នាក់ដឹកនាំវិទ្យាស្ថានផងដែរ។ កិច្ចប្រជុំនេះ ត្រូវបានធ្វើឡើងក្នុងគោលបំណងបូកសរុបការងារប្រចាំខែសីហា និង លើកទិសដៅការងារក្នុងខែបន្ដបន្ទាប់ របស់វិទ្យាស្ថានតេជោសែន សាធារណការ និងដឹកជញ្ជូន។ អង្គប្រជុំ ក៏បានពិភាក្សាអំពីសំណូមពរ បញ្ហាប្រឈមនានា និងបានដាក់ចេញនៅដំណោះស្រាយ សំដៅពង្រឹងគុណភាព និងសក្ដានុពលអប់រំរបស់វិទ្យាស្ថាន។ ក្នុងឱកាសនោះដែរ ឯកឧត្តមនាយកវិទ្យាស្ថាន បានរាយការណ៍នូវវឌ្ឍនភាពការងារ និងសកម្មភាពការងារដែលវិទ្យាស្ថានបានអនុវត្តកន្លងមក ជាពិសេសក្នុងរយៈពេល បីខែកន្លងទៅថ្មីៗនេះ ជូនអង្គប្រជុំដើម្បីជ្រាប និងផ្តល់មតិយោបល់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube